List #2832
Stanisław HOZJUSZ (HOSIUS) do Ioannes DANTISCUSCracow, 1545-05-21
| odebrano Heilsberg (Lidzbark Warmiński), 1545-05-28 Rękopiśmienne podstawy źródłowe:
Publikacje:
| ||||||
Tekst + aparat krytyczny + komentarzZwykły tekstTekst + komentarzTekst + aparat krytyczny
BCz 1618, p. 578
Reverendissimo in Christo Patri et Domino, domino
BCz 1618, p. 575Reverendissime in Christo Pater et Domine, domine observatisssime.
Officiosissimam servitutis meae commendationem.
Distributae tandem sunt dignitates, ut ubi neque caput erat, neque oculi, ne pedes quidem essent. Virum esse bonum aiunt, qui palatinus renuntiatus est, si modo per morbum, quo laborat, fungi ei suo magistratu liceret. Culmensis castellanus est Elbingensis designatus, Elbingensis Gedanensis, Gedanensis dominus Dziialinski. Domini Conopaczki habita fuisset ratio, nisi dominus Dziialinski fuisset impedimento. Ei cum esset controversia cum domino Lassoczki de succamerariatu Dobrzinensi, cum utrumque contentum reddere vellet s(erenissima) or s(acra)⌈s(erenissima)s(erenissima) or s(acra)⌉ maiestas regia, factus est alter castellanus Gedanensis. Ita neque domini Conopaczki, neque domini Baszinscki ratio potuit haberi, quorum utrumque pro virili mea adiutum cupiebam.
De burgrabiatu provisum est Dominus Schewka, pro quo reverendissimus dominus diligenter laboravit favente Iunone. Quae si aeque domini Thesaurarii causae voluisset, absque dubio palatinatum obtinuissemus.
Egi cum domino Mischkowski de libris, quos nondum esse sibi dicebat adductos, sed simul ut adducentur, dabitur a me opera, ut qui erunt Reverendissimae Dominationis Vestrae, ad eam absque mora longiore perferantur.
Nova, quae pro certo scribam, non habeo. Dicitur caesar Vormaciam cogitare, ut ibi deliberationem suscipiat de bello contra Turcas offensivo. Turcarum tyrannus ex Andrinopoli Constantinopolim esse regressus fertur. De pace sive indutiis confectis rumores sparguntur. Concilium scribunt progressum habiturum contra eorum etiam, a quibus indictum est, voluntatem, quod iam ex Hiispanis et Galliis episcopi complures et viri docti confluxerint.
Habemus hic novos Episcopos, de quibus antea me Reverendissimae Dominationi Vestrae scripsisse puto: dominum Ioannem Dziiaduszki Praemisliensem, dominum Andream Zebridowski Chelmensem, dominum Ioannem Droiowski Camenecensem. In demortui palatini Russiae domini Odrovasch locum suffectus est dominus Petrus de Dambrovicza, qui fuit palatinus Lublinensis. Palatinum Lublinensem nullum adhuc habemus. Sed haec illius creandi mora mysterio non caret.
Deum precor, ut Reverendissimam Dominationem Vestram diu servet incolumem et omni felicitatis genere cumulet. Cuius me gratiae commendo.
Eiusdem Reverendissimae Dominationis Vestrae servitor deditissimus