» Korpus Tekstów i Korespondencji Jana Dantyszka
Copyright © Pracownia Edytorstwa Źródeł i Humanistyki Cyfrowej AL UW

Wszelkie prawa zastrzeżone. Zabrania się kopiowania, redystrybucji, publikowania, rozpowszechniania, udostępniania czy wykorzystywania w inny sposób całości lub części danych zawartych na stronie Pracowni bez pisemnej zgody właściciela praw.

List #1793

[Ioannes DANTISCUS] do [Tiedemann GIESE]
Löbau (Lubawa), 1537-11-17


Rękopiśmienne podstawy źródłowe:
1kopia kancelaryjna język: łacina, ręką pisarza, BCz, 244, s. 315-316

Pomocnicze podstawy źródłowe:
1regest język: polski, XX w., B. PAU-PAN, 8248 (TK 10), k. 649

Publikacje:
1CEID 1/1 Nr 81, p. 341-345 (in extenso; angielski regest)

 

Tekst + aparat krytyczny + komentarzZwykły tekstTekst + komentarzTekst + aparat krytyczny

 

BCz, 244, p. 315

Reverendissime Domine, amice et frater carissime plurimumque honoran(de) or honoran(dissime)honoran(de)honoran(de) or honoran(dissime). Salutem et fraterni amoris commendationem.

Quod hucusque Dominationis Vestrae Reverendissimae non responderim litteris datis VII huius, in causa fuit invalitudo fratris mei Bernardi, de qua prius scripsi. Qui cum pauloante melius habere coeperit, per aliquot dies multae scriptioni ad aulam nostram, caesaris, Romanorum regis, et ad urbem intendi, herique illum, ut pro conficiendis rebus nostris Cracoviam proficiscatur, a me dimisi cum duobus millibus nostris, quos numeratos ac consignatos relicturus est apud fratrem domini Iosti Ludovici Thoroniae. Cui scripsi, ut ratione veteris inter me et illum amicitiae de istiusmodi duobus millibus ducatis c text damaged[c]c text damagedum Georgio Hegel, quo in urbe ad usus nostros reponantur, responderet, quod ipsum haud dubie facturum spero. Sin minus, Georgius Hegel, per litteras Iacobi Ludovici certior de pecunia reposita factus, efficiet, ut domini Fuggari eam pecuniam eo modo, ut inter nos convenimus, domino Theodorico ad expeditiones nostras dispensent etc.

Recepi recens litteras domini Antonii Fuggeri VI Octobris datas, quas Georgius Hegel mihi misit, in quibus fere supra humanitatem se mihi offert, maxime in casu, si negotium Varmiense pro me succederet, non mille solum, sed etiam in pluribus. Eas litteras Dominationi Vestrae Reverendissimae misissem, si non visum mihi fuisset ex re nostra fuisset esse, ut eas Georgius Hegel legeret. Quas igitur frater meus secum tulit. Rescripsi, quomodo res nostra omnis haberet, neque defuit Dominationis Vestrae Reverendissimae honesta mentio, et quod pecuniae nostrae Thoroniae essent depositae, ob quas, ut cum factore, ut vocant, suo fierent tractatus, fratrem meum misissem Cracoviam, adiecta condicione, quod sic Romae conservarentur, ne a procuratoribus sciretur numerus, sed illis ea dumtaxat darentur, quae essent expeditioni necessaria, residuum pro nobis remaneret. Quod si etiam plus in omnem eventum, quam summa nostra continet, Romae peteretur, quod ipse pro nobis sponderet, quousque de eo certiores redderemur. Eadem et Georgio Hegel inculcavi, sic quod certo arbitror rem pro votis nostris Deo prosperante successuram. Quae domino Theoderico scripsi, habebit Dominatio Vestra Reverendissima in exemplo iis addito litterarum mearum, iuxta quod res Dominationis Vestrae Reverendissimae apud maiestatem regiam dirigi oportebit, eadem item et Georgio Hegel significavi, ut quam primum bullam maiestati regiae inscriptam acceperit, illam reddat, et pro Dominatione Vestra Reverendissima litteras regias ad capiendam possessionem conscriptas cum primis ad Dominationem Vestram Reverendissimam mittat. Itidem et mecum actum est.

Ego interim quamdiu titulo episcopi Culmensis utor in postulatione non confirmatus, administrabo per meos non secus, atque si ego ipse hic sim mansurus, minusque decedet, quam si capitulum administraret, quod me vivo et episcopo adhuc existente fieri non ... illegible...... illegible convenit. De censibus quaedam debita pro mensa episcopali et familiae erit solvendum, reliquum manebit Dominationi Vestrae Reverendissimae integrum. Quod ea cura et absens per nepotem meum, quem hic praeficiam, et alios meos officiales tractabo, quemadmodum mutuus noster fraternus amor postulat, meque ms. neque(!) mequemeque ms. neque(!) ullam de me conquerendi relinquam ansam etc.

De taxa Dominationis Vestrae Reverendissimae quae <scripsi> reverendissimo domino cardinali Pistoriensi, cum quo mihi in Hispaniis et Italia fuit non parva familiaritas, ex copia litterarum mearum intelliget. Eademque regiae et reginalique maiestati et reverendissimo domino Cracoviensi fratri meo ut referret, iniunxi, neque ambigo, quin non gravate praescriptae a Dominatione Vestra Reverendissima litterae dabuntur ad pontificem et ad cardinalem protectorem etc.

Quod hinc abire debeo, a loco consueto et grato, non potest citra animi mei fieri molestiam, quae tamen, cum sic ratio et tempus postulat, vincenda est. Collectis itaque reculis meis, quas per meos hic subditos, ne quem in novo dominio onerare videar, iis diebus praemittam, ipse hinc ipso die sanctae Barbarae subsequar, noctem habiturus in Fridrichwaldt, posterum diem in Gutstat, perendino, post auditum sacrum, cum Deo et sancto Nicolao ingressurus Heilsberg. Idipsum canonicis fratribus nostris Dominatio Vestra Reverendissima communicare poterit, quas fraterne BCz, 244, p. 316 salvere iubeo, et Dominationem Vestram Reverendissimam paper damaged[m]m paper damaged felicissime valere ex animo cupio.

Datum Lubaviae, XVII Novembris anno 1537.