BCz, 1601, p. 1

Wir, Maximilian, von Gots gnaden erwelter romischer kayser zu allenntzeiten merer des Reich [...] paper damaged⌈[...][...] paper damaged⌉n[...] paper damaged⌈[...][...] paper damaged⌉en zu Hungern, Dalmacien Croacien etc. kunig, / ertzhertzog zu Osterreich, / hertzog zu Burgunde, / zu Brabanndt unnd phallenntzgrave etc. Embietenn allen und yegclichen unnsern unnd des Hailigen Reichs fursten, gaistlichen / unnd weltlichen prelaten, graven(n), freyen herrn(n), rittern(n), knecht(e)n, ambtleuten(n), vogten, / phlegern(n), / burgermaistern(n), / schulthaissen(n), richtern(n), raten burgern(n) gemainden(n) unnd sunst allen(n) ander(e)n unnser(e)n unnd des Hailigen Reichs underthanen(n), / verwanndten(n) / unnd getreuen den diser unnser brief furkumbt, unnser gnad unnd alles guet. /

Der durchleuchtig furst her(r) Sigmundt kunig zu Polan / unnser lieber brueder vertigt hiemit in seiner lieb geschafften seiner lieb secretarien / Johann Dantiscu(m), zaiger ditz briefs zu dem durchleuchtigen fursten, herren / Karln, / kunigen(n) zu Hispanien(n), ertzhertzogen zu Osterreich / und hertzogen zu Burgunde(n), unnserm lieben(n) sun(n) und bruder, darauf emphelhen wir Euch allen unnd yeden in sunderhait mit ernnst gepietend, datz ir den genanten(n) polnischen(n) secretarienn mit seinen(n) diennern(n), phärden(n) unnd guetern(n), / so er seiner notturfft nach mit ime fuert uberal durch unnser und des Reichs gepiet frey, sicher unnd unbelaidigt hinkumen(n) unnd furziehen(n) lasset. In mit nichten(n) irret aufhaltet noch beschwaret, sunder wo ime not wurdt / von unnser / unnd des Reichs wegen(n) furderet / belaitet / unnd belayt zu werdenn, / verfueget unnd in allweg umb unnsernn / auch unnsers lieben(n) brueders des kunigs von Pol(e)n wegen(n) wol bevolhen(n) habet. / Daran furt ir unnser ernnstliche maynung. unnd sunder guet gefallen(n). /

Geben in unnser stat Gmunden am siebentzehenden tag Novembris / anno etc. im achtzehenden(n), / unser(r) reiche des romischen(n) im dreyunddreissigisten(n), und des hungerisch(e)n im neunundtzwantzigisten(n) jar(e)n. /