» CORPUS of Ioannes Dantiscus' Texts & Correspondence
Copyright © Laboratory for Source Editing and Digital Humanities AL UW

All Rights Reserved. No part of this publication may be reproduced or transmitted in any form or by any means, electronic or mechanical, including photocopy, recording or any other information storage and retrieval system, without prior permission in writing from the publisher.

Letter #5798

[Sigismund I Jagiellon] to Ioannes DANTISCUS
Cracow (Kraków), [1532, probably end of January or February]


Manuscript sources:
1office copy in Latin, in secretary's hand, BNW, BOZ, 2053, TG 15, No. 1720, f. 48
2copy in Latin, 16th-century, BJ, 6552, p. 1036-1037
3copy in Latin, 16th-century, BCz, 271, f. 68v-69r
4copy in Latin, 16th-century, BK, 217, No. 54, f. 64v-65r
5copy in Latin, 17th-century, BCz, 270, p. 100-101
6copy in Latin, 18th-century, BCz, 48 (TN), No. 136, p. 451-452
7copy in Latin, 18th-century, BCz, 268, No. 456, p. 959-960

Auxiliary sources:
1register in Polish, 20th-century, B. PAU-PAN, 8247 (TK 9), f. 199

 

Text & apparatus & commentaryPlain textText & commentaryText & apparatus

 

BNW, BOZ, 2053, TG 15, No. 1720, f. 48r

Reverende in Christo pater sincere nobis dilecte.

Cum magnificus Hieronimus a Lasko missus a rege suo ad caesaream maiestatem orator hac iter faceret, nomine serenissimi regis Ioannis a nobis postulavit, ut, cum apud caesaream maiestatem et reliquos principes Christianos aget, de promovenda ope illorum inter reges de regno Hungariae dissidentes concordia et pace, nos quoque tum nostro nomine nostro iuvari illum apud caesaream maiestatem et alios principes mandaremus. Quod cum visus est pro publico bono et communi necessitate postulare, negare illi honeste non potuimus. Quare Paternitati Tuae commendamus, ut in consiliis ad concordiam conducentibus illum prudentia dexteritateque sua iuvet et quatenus consilia eius contra professionem neutralitatis nostrae facere non videbuntur, illi adsit.

Nam quantum utrique parti de opera nostra ad pacem conciliandam libenter concedimus, tantum e contrario, ubi res a concordia amovetur, neutri officium nostrum accommodare decrevimus. In qua re non dubitamus Paternitatem Tuam ita commode pro industria et prudentia sua agere omnia posse, ut nihil nobis neutralitatem profitentibus sub altera ab altera utraque partium imputari queat.

Ceterum quia dudum litteras publicae fidei a maiestate caesarea, pro quibus nos cubicularium istuc misimus, oratores serenissimi regis Ioannis exspectarunt, Paternitatem Tuam hortamur, ut illas quam primum ad nos, si adhuc non fecit, transmitti curet.

BNW, BOZ, 2053, TG 15, No. 1720, f. 48v

Cum quibus nos vicissim illos consequi in itinere curabimus, ne non habito salvo conductu periculi aliquid subire cogantur. Factura Tua Paternitas pro officio suo et gratia nostra. Dat(ae) or Dat(um)⌈Dat(ae)Dat(ae) or Dat(um)⌉ Quae bene valeat.