Unsernn etc. Nhamhafftige etc.

Disse stunde sey wir her gelangt und brive von demm grosmechtigen, edlen, ernfesten hern marienburgschnn woywoden und colmischen castellan erhaltenn, / das sie morgen bey Ewer Erbarkeit zu Thorn nicht werden seinn, dohin wir uns zu begeben hetten vorgenomenn, / der wegen wir bitten, wold uns bey dissem boten lossen wissen, / was vor hern gekomenn sein und ab ein ersam rod vonn Elbing ire geschickten mit des lands sigel do habenn / und sunst was zu der vorgenomen rese zu wissen von noten, / das wir umb Ewer Erbarkeit, / die wir Gote befhelen, / fruntlich wollnn beschulden.

Datum aus unsermm slosse Fridek, den XXII Novembris M D XXXVI.