» CORPUS of Ioannes Dantiscus' Texts & Correspondence
Copyright © Laboratory for Source Editing and Digital Humanities AL UW

All Rights Reserved. No part of this publication may be reproduced or transmitted in any form or by any means, electronic or mechanical, including photocopy, recording or any other information storage and retrieval system, without prior permission in writing from the publisher.

Letter #1581

Mauritius FERBER to Ioannes DANTISCUS
Heilsberg (Lidzbark Warmiński), 1537-02-19
            received [1537]-02-28

Manuscript sources:
1fair copy in Latin, in secretary's hand, AAWO, AB, D. 4, f. 95

Auxiliary sources:
1register in Polish, 20th-century, B. PAU-PAN, 8248 (TK 10), f. 389

 

Text & apparatus & commentaryPlain textText & commentaryText & apparatus

 

AAWO, AB, D. 4, f. 95v

Reverendissimo in Christo patri et domino, domino Ioanni Dei gratia episcopo Culmensi, fratri et amico carissimo ac plurimum honorando

AAWO, AB, D. 4, f. 95r

Reverendissime in Christo pater et domine, domine frater et amice carissime plurimumque honorande. Omnis felicitatis accessum cum mei commendatione.

Binas successive Reverendissimae Dominationis Vestrae litteras, unas, datas XXII Ianuarii, septima Februarii, alteras II Februarii datas in data praesentium accepi. Maximas agens gratias pro eo in me favore, quod et toties me suis litteris invisere, et quae istic aguntur communicare gravata non sit Reverendissima Dominatio Vestra. Sperandum est omnia felicissimum finem cum honore dominorum consiliariorum et pudore aemulorum esse sortitura. De his, quae et superinscribed⌈etet superinscribed⌉ Dominatio Vestra Reverendissima meminit a domino Ioanne de Werden mitti debebant, nihil accepi in hunc diem. Cetera omnia in adventum proprii nuntii Reverendissimae Dominationis Vestrae vel potius eiusdem reditum (qui ut fortunatissimus sit, cupidissime opto) suspensa facio. Interea pientissimus Deus Reverendissimam Dominationem Vestram servet, prosperet sanamque reducat ex animo precor. Hic in Prussia (gratiae Christo), quatenus mihi constat, omnia salva sunt.

Ex Heilsberg, 19 Februarii MDXXXVII

Mauritius Dei gratia episcopus Warmiensis