» CORPUS of Ioannes Dantiscus' Texts & Correspondence
Copyright © Laboratory for Source Editing and Digital Humanities AL UW

All Rights Reserved. No part of this publication may be reproduced or transmitted in any form or by any means, electronic or mechanical, including photocopy, recording or any other information storage and retrieval system, without prior permission in writing from the publisher.

Letter #1706

Leonard NIEDERHOFF to Ioannes DANTISCUS
Frauenburg (Frombork), 1537-09-09
            received [1537]-09-11

Manuscript sources:
1fair copy in Latin, autograph, BK, 230, p. 39-42

 

Text & apparatus & commentaryPlain textText & commentaryText & apparatus

 

Reverendissimo in Christo patri et domino, domino Ioanni, Dei et Apostolicae Sedis gratia episcopo Culmensi ac administratori Pomesaniensi etc., domino suo colendissimo

Reverendissime in Christo pater et domine, domine mi clementissime.

Quando Reverendissimae Dominationis Vestrae totus sum, non habeo, quod ultra Reverendissimae Dominationi Vestrae offerre possum. Verum quando Reverendissima Dominatio Vestra undique terrarum litteras recipit, ita et amicos plures denique novitatibus cum gaudio implet, me autem suo Leonardo non sine dolore in totum praeterito, etiam ad litteras mea<s> nuper per familiarem meum transmissas ad id, quod maxime volebam, nihil respondere dignata fuit. Unde fit, ut lupum auribus teneo. Quod et scribere et id ipsum et nuntio Reverendissima Dominatio Vestra surrepto boni ac gratiose consulere dignetur ac ingenua paterna clementia foveat obsecro memeque dedo Reverendissimae Dominationi Vestrae, quam Deus optimus diu ac in perpetuum felicissimam servet.

Ex Warmia, die IX mensis Septembris anno MDXXXVII

Reverendissimae Dominationis Vestrae Leonardus Niderhof servitor