Letter #2415
Ermland (Warmia) Chapter to Ioannes DANTISCUSFrauenburg (Frombork), 1541-04-20
| received Heilsberg (Lidzbark Warmiński), 1541-04-21 Manuscript sources:
| ||||
Text & apparatus & commentaryPlain textText & commentaryText & apparatus
Reverendissimo in Christo Patri et Domino, domino Ioanni Dei gratia episcopo Warmiensi dignissimo, domino et pastori nostro gratioso
Reverendissime in Christo Pater, excellentissime domine praesul, domine gratiose.
Studia et obsequia nostra numquam intermoritura cum animorum nostrorum promptitudine Reverendissimae Paternitati Vestrae officiose praemittimus.
Reverendissime ac Gratiose Domine.
Appropinquat iam terminus revisendae molaris structurae, quo illustris princeps Prussiae ablegaturus certos illustritatis suae nuntios. Decrevitque iam ante Reverendissima Paternitas Vestra itidem pro Suae Reverendissimae Paternitatis et nostro ornamento et necessitate venerabilem dominum Nicolaum Human Gutstatensis ecclesiae decanum, Vestrae Reverendissimae Paternitatis cancellarium, atque strenuum dominum Georgium Proyke capitaneum Braunsbergensem ablegaturus. Quare obsequenter oramus, ut dictis dominis Vestrae Reverendissimae Paternitatis iussione demandetur, ut se ad nominatam revisionem, quae ad futuram tertiam feriam instituenda et obeunda erit ante prandium, et cumprimis componant, et in ista differentia removenda Reverendissimae Paternitatis Vestrae nomine beneficium impendant.
Quod erga Reverendissimam Paternitatem Vestram obsequenter merebimur, Domino Christo Reverendissimae Paternitatis Vestrae incolumitate ad multos felices annos recommissa.
Warmiae, 20 Aprilis anno XLI.
Eiusdem Reverendissimae Paternitati Vestrae obsequentissimi praelati, canonici atque capitulum ecclesiae Warmiensis