BCz 247, p. 364

Reverendissimo in Christo Patri et Domino, domino Ioanni Dei gratia episcopo Varmiensi etc., domino paper damaged⌈[domino]domino paper damaged⌉ suo gratioso et patrono modis omnibus observando

BCz 247, p. 361

Reverendissime in Christo Pater et Domine, Domine gratiose et colendissi illegible⌈[colendissi]colendissi illegible⌉me. Post officiorum humilem commendationem, salutem et boni omnis felix incrementum Reverendissimae Dominationi Vestrae a Deo precor.

13 mensis huius accepi Reverendissimae Dominationis Vestrae epistulam, quam 26 Maii ex Braunsperga ad me dedit. Miserat autem frater meus nuntium proprium qu<u>m occurre(nte)s non essent. Eum in hoc retinui, quod reverendissimus dominus archiepiscopus se responsurum receperat ad has litteras, quas a Dominatione Vestra Reverendissima et reverendo domino Culmensi episcopo reverendissimae dominationi suae reddendas curavi, et in hac me dum haec scribo spe retinet.

Pro eo, quod me custodivit Dominus laudem dixi ipsi servatori meo, et scio ulturum mala Deum. Sed interim innoxii patiuntur.

De litteris, quae sic interciderant Ioannis Mornstein negligentia, non parum sollicitus fuit et dominus olim Nipczytz, qui, si vixisset, non nihil habuisset difficultatis, mihi vero interierunt apochae pecuniariae et litterae aliae necessariae, non tamen videtur hic vel studium vel quaevis malevolentia intervenisse alia, etenim vir omnino bonus est. Graviter tulit dominus Sigismundus hactenus sibi non responsurus, omnino persuasus, cum suas tum domini Cornelii litteras interceptas, ab inde sibi dominum Cornelium alienatum, scribens quod parum recte rem curasset. Sed nunc redibunt in gratiam omnes, et ego liberabor a negligentiae nota. Scio et ego, quorundam in piscandis epistulis studia et vere etiam atque etiam videndum est, quem quis ad consilia admittat, non quod sibi tam a vero metuendum sit, quam cavendum ne quid falsi narretur.

De debito domini Nypczytz nullum subest periculum – omnia sunt in manu domini Georgii Hegel.

Nova haec nunc habemus: Hactenus Buda obsidetur magno rerum temporisque dispendio, ea ut ad me perlata sunt, Reverendissimae Dominationi Vestrae in scheda mitto descripta. Magnificus dominus castellanus Posnaniensis Wiennae est, non parvam a monacho Budae passus levitatem.

Nihil Danis atque ipsorum amicis hoc anno metuendum puto, caesare maioribus intento curis. Ex Italia nunc habeo nihil, relatum quidem fuit Ascanium Colonna caeso pontificis sanctissimi exercitu victoriam Romam usque prosequutum esse. Novatum postea nihil est tamen.

Uxor mea cum liberis nunc Reverendissimae Dominationi Vestrae praecantur omnia felicia atque se humiliter BCz 247, p. 362 in eiusdem gratiam commendant, quod idem et ego facio. Deus Optimus Maximus Reverendissimam Dominationem Vestram felicissimam ac incolumem servare dignetur. Dominus Stanisla hidden by binding⌈[la]la hidden by binding⌉us Maczeowski frater germanus reverendissimi domini vicecancellarii Ratisponae est et scribit se timere non citam expedicionem.

Quae in scheda scripsi de praesidio adhuc ita invulgantur. Parum valent illa pristina vulnera apud illos, qui libera sibi esse volunt omnia.

Dat(ae) or Dat(um)⌈Dat(ae)Dat(ae) or Dat(um)⌉ Cracoviae, 16 Iunii 1541

Reverendissimae D(ominationis) or D(ominationi)⌈D(ominationis)D(ominationis) or D(ominationi)⌉ Vestrae deditissimus sevitor Jostus Ludovicus Decius scripsit