Dem Hochwirdigsten in Gott Fursten und Herr[n], herrn Iohanni des loblichen stichts zcu Ermelanndt bisschoffe etc., unnserem g[e]nedigenn herrenn

Hochwirdigster inn Gott Furst, Genediger Herr. /

Unnser stette unnd bereitwillige dinste seint Ewer Hochwirdige Gnade mit fleis entpholenn. /

Genediger Herr. /

Aus vorursachunge unser stadt und eines gemeinenn guttes obligenn / habenn wir denn erbarenn unnd weÿszen herrn Georgenn Moller, zceiger dieses unsern, gelipten radts freundtt, in etzlichen unseren gewerbenn an Ewer Hochwirdige Gnade dinstlichen abgefertiget. / Dieselbige Ewer Hochwirdige Gnade mit fleis und dinstlich bittende / wolle seiner erbarkeit genedigenn zcutrytt, / gehoer und volkommen glaubenn, / als unns selbst geruchenn zcu gebenn. / Ouch mit gennediger unnd trostlicher abrichtunge ann uns widderummbe gelangenn lossenn. /

Solchs alles seint wir ummb Ewer Hochwirdige Gnade (die wir Gote inn langkweriger gesuntheit und gluckseliger wolfarth mit fleis entpholen) unnsers hogstenn vormugens zuvordienenn bereit unnd geflisenn. /

Datum Danntzigk, denn 21 Novembris anno etc. 43. /

Ewer Hochwirdige Gnaden dinstwillige burgermeister und rathmane der stadt Danntzigk