Macz Platen

Unsernn etc.

Wie es in Cornelii sachen fert, / wirt euch unser liber bruder und houptman uff Heilsberg berichten, / do von uns doctor Hosius geschribnn, des briff wir gesternn erhalten und unser bruder mit sich hoth, die sache erstlich ist vor koniglicher majestet und den rethen gehandelt wurden den VI tag des monts und zur sune oder vortrag gewisenn. / Was der auspruch wirt sein, so die sache nicht vortragen wirt, / kan nicht lange ansthenn zu wissenn. / Mit dem hellischenn vaterunserr um denn zceitungen / habt ir uns wolgefallen gethonn. / Wollet von solchemm schreibnn nicht ablossenn. Gotlichnn gnaden befolnn. /

Datum aus unserm sloss Helsberg, denn XVII Marcii MDXLVI.