[Magnifico ac] Excellenti ... Domino Iohanni [ Dantischo or]atori serenissimarum maiestatum [regis et] reginae Polloniae [apud caesaream] maiestatem, nostro bene[factori m]eritissimo etc.

Magnifice ac Excellens Domine.

Post debitam commendationem.

Nuper nonnullas ad Excellentem Dominationem Vestram dedimus litteras, summis precibus humiliter postulantes, quatenus partes suas interponeret penes caesaream maiestatem aliquibus negotiis huius regalis ecclesiae peragendis.

Quod quidem aut tantorum itinerum distantia, aut nuntii non fida delatione cum praeter spem successerit, urgente necessitate destinamus reverendum patrem magistrum Marchum de Tarento sacrae theologiae professorem cum expresso mandato, qui postulato auxilio et favore Vestrae Dominationis tamquam oratoris meritissimi serenissimarum maiestatum regis ac reginae Polloniae, dominorum nostrorum, apud caesaream maiestatem, habeat nonnulla supplicare sibi iniun <c> ta eidem caesareae maiestati ad relevamen huius regalis ecclesiae. Rogamus igitur supliciter, Dominatio Vestra dignetur causam nostram [protege]re suisque favoribus adiuvare, ut iuste petita atque supplicata [obtine]re valeamus, reddentes nos sibi perpetuo obnoxios ac deditissimos.

Cui nos summopere commendamus.

Vale.

Datae Bari, die 30 Octobris 1526(!).

Eidem Vestrae Excellenti Dominationi obsequentissimi prior et capitulum regalis ecclesiae sancti Nicolai de Baro etc.