Joanni et Jacobo Schefeken fratribus

Unsernn freuntlichenn grus und alles gut zuvorann. Ersame, bosundre, gutte freunde und liebe swegere.

Ewerer bitte un[d] schreibenn / an uns / wegen des sunlichenn vortrags czwuschenn euch und ewers seligen bruders, hern Georgen Scheueken, etwans unser... grosen freundes vorlassenen witfrawen die beidten landtgutter Ohere und gitlandesche fhere botreffende, / seindt wir gerne nachgekomen, / sunderlich dieweil solchs auch bei uns der hochwirdige unser freuntlicher, lieber bruder, her Tidemannus, bischof zu Colmenshe, / nebenn dem edlen, ernvhestenn hernn Johan von Werden, burgermeistern zu Dantzig und heuptman zu Neuburg, unserm gunstigen freunde, / gesucht haben. Derwegen wir dan das bei gedochter frawen Schefekin, / unserer sw[e]gerin, vor dismol durch unser schreibenn vorgestellet, / damit solcher sunlicher vortrag auf zukomende tagfar[t] Stanislai zu Marienburg in unser kegenwertickeit, / die Got gelucklich vorleihe, / mugte vorgenomen werden . / Da wir alsdan nichts an unserm felais woll... erwinden lassen, / auf das ihr von beiden teilen vort... und vorthin liebe swegere bleiben muget, welchs wir uns vorhoffen bei gedochter unser swegerin zuerhalten, / sie darin zufhurenn, das sie angezeigten sunlichen vortrag nicht abschlage, / und wolten dis euch , die wir ...lichen genaden bovelen, / zur freuntlichen antwurth anzuz[eigen] ni... nochlossen.

Datum aus unserm schloss Vormdith, den XXVI Novembris 1547.