Letter #3499
Fabian WOJANOWSKI (DAMERAU) to Ioannes DANTISCUSCracow, 1530-12-09
| received Brussels, [1531]-01-23 Manuscript sources:
Auxiliary sources:
Prints:
| ||||||||
Text & apparatus & commentaryPlain textText & commentaryText & apparatus
Reverendissimo domino Ioanni Dantisco, episcopo Culmensi et oratori serenissimi regis Po[loniae a]pud maiestatem [caesaream], domino meo gratioso
In curia caesaris
Reverendissime domine. Praemissa servitiorum meorum commendatione.
Heri huc appulit servus domini Levicii, qui 8 Novembris per Danubium ex Augusta se solvisse dicit. Intellexi ex eo fratrem Bernhardum Dominationis Vestrae Reverendissimae propediem affuturum; utinam sanus veniat; faciemus, cum aderit, prout litteris Dominationis Vestrae Reverendissimae edocebor. Scribo hodie domino Boreck Pyotrcoviam in omnem eventum, quo mihi litteras poduodorum mittat, ne postea morari cogar, si forte in episcopatum eundum erit.
Maiestas regia incolumis Pyotrcoviam pervenit. Reverendissimus dominus Cracoviensis etiam illic est, quod non sperabatur; de reditu illius maiestatis more solito credimus.
Ex Ungaria infiniti rumores falsi hic feruntur, quo fit, ut non ausim scribere ficta. Civitatem tamen Budam per Germanos captam esse dicunt pro cert[o], Keszmarck per dominum Costca occupatur.
Intellexi ex domino Georgio Hegel, practicam fieri super 100 illis ducatis menstruis, ne deinceps Dominationi Vestrae Reverendissimae solvantur, sed ego hic nil certi audivi. Nil restat aliud, nisi ut me [grat]iae Dominationis Vestrae Reverendissimae commendem, quae feliciter valeat.
Datae Cracoviae, 9 Decembris 1530.
Eiusdem Dominationis Vestrae Reverendissimae servus Fabianus Woianowski
Postscript:
Dominus Fabianus Czem se commendat Dominationi Vestrae Reverendissimae.