BCz, 1595, p. 922

Reverendissimo in Christo Patri et Domino, domino Ioanni Dei gratia episcopo Culmensi et administratori Pomesaniensi ac postulato Warmiensi dignissimo, domino suo gratiosissimo et colendissimo

BCz, 1595, p. 921

Reverendissime in Christo Pater et Domine, domine gratiosissime et colendissime.

Sui debiti famulatus et humillima orationum commendatione praemissa.

Ago eas, quantas tantillus referre potest, gratiarum actiones Reverendissimae Paternitati Vestrae pro eo, quod ex sua clementia me suis litteris consolari dignata est. Quod in adventu futuri pontificis me ab hoc durissimo et molestissimo vicariatus officio exoneratum habere velit, faciet Reverendissima Paternitas Vestra pro sua gratia erga me, hominem prope omnibus viribus destitutum, opus misericordiae, profecto Deo Omnipotenti non ingratum. Tempus instat, ut alius hoc officium ferat, meliori industria ac sollertiori cura, quam ego hactenus tuli.

Pro eo erga me liberationis officio et beneficio obnoxius ero perpetuis temporibus usque ad extremum vitae pro felici statu et salute animae exorare Reverendissimae Paternitati Vestrae, quam Deus Omnipotens in longissimum aevuum incolumem conservare dignetur in optata sanitate. Et me sibi Reverendissima Paternitas Vestra commendatum habere dignetur.

Dat(ae) or Dat(um)⌈Dat(ae)Dat(ae) or Dat(um)⌉ in Culmenze, ipso die sanctae Scolasticae anno Domini etc XXXVIII-o.

Eiusdem Reverendissimae Paternitatis Vestrae humilis servitor et capellanus Martinus Czheme canonicus Culmensis