Hern Jorge Scheffken

Unsernn etc. Ersamer etc.

Ewer Erbarkeit negst schreiben ist uns fast lieb gewest, / daraus wir Ewer Erbarkeit gutte gesuntheit gernn vornomenn. / Es ist in worheit gewest, / das w... mit den unsernn allen Ewer Erbarkeit, mit falschemm (: got hab danck :) geruchte vorfurt, / fast habenn beklagt, / und dis mol nicht habenn mugenn nochlossenn, mit dissem unsermm schreibnn Ewer Erbarkeit zu besuchenn. / Was furstliche durchlaucht uns geschribenn / und derselbtnn vornemenn, / wir ... Ewer Erbarkeit aus unsermm brive und zugelegter copey w... habenn zu vorsthenn, / derhalbnn von notenn wil s... zu bedencken, was daruff eintrechtiglich wer zu antwurtnn, / da ... in sich Ewer Erbarkeit neben einem ersamenn roth wol w... wissen zu haltenn, / der wir vil liebs und wolgefallens zu thun gancz geneigt sein und willig. / Got in langweriger gesuntheit und wolfart befolenn.

Datum Heilsberg XV Martii MD XXXIX.