Wie dan Ewer Grosmechtigkeit und Herlichkeit aus billichen notlichen ursachen von wegen disser ferlichenn zeit der vorgifftung, / d[ie] sich fast allenthalbnn im ⌊lande⌋ / aus gotlichenn ehernn, / den wir uff uns mit vil sunden erwegkt, / hot ausgebreit, / vor das beste habenn angesehenn, / disse zukunfftige ⌊tagfart⌋ uff Sankt Michaelis nochzulossenn / und alle stende koniglicher rethe disser lande darzu ouch vorwilliget, / so welle wir unbesuert durch unser ⌊⌋ mit eigenemm botenn ⌊koniglicher majestet⌋, unsers allergnedigsten hern, / mit alle d[em], das dis lands nottorft dismol erfurdert, / ...genn und vorbringenn. / Was wir zu antwurt uberkomenn, mit den ersten Ewer Grosmechtigkeit und Herlichkeit lossen wissen, / derwegen wil nottig sein, / da... disses tags uff Sankt Michel verlossung unnd vorlegung idermeiniglich werde kunt gethann, darzu sich Ewer Grosmechtigkeit und Herlichkeit, die wir Gote in sein gnade befelen, aus amptspflicht wol werden wissen zu richtenn und haltnn.
