AAWO, AB, D. 5, f. 132v

Reverendissimo in Christo patri et domino, domino Ioanni Dantisco Dei gratia nominato el paper damaged⌈[el]el paper damaged⌉ecto Varmiensi, [...] paper damaged⌈[...][...] paper damaged⌉ amico honorando

Reverendissime in Christo pater et domine, domine amice honorande praemissa obsequiorum meorum Vestrae Reverendissimae Dominationi accurata commendatione.

Confidens de Vestrae Reverendissimae Paternitatis gratiosissimo erga me favore et de illa familiaritate, quae mihi ad Vestram Reverendissimam Dominationem intercesserat a iuventute, duxi Vestram Reverendissimam Paternitatem rogandum pro hoc ostensore praesentium gratioso Ozar patruo meo ex armis, qui ibi declinavit et sese contulit in dicionem Vestrae Reverendissimae Dominationis habetque ibi difficultates a capitulo Vestrae Reverendissimae Dominationis ecclesiae Varmiensis pro rebus suis. Itaque Vestra Reverendissima Dominatio pro sua gratia ei patrocinari in rebus eius dignetur on the margin⌈digneturdignetur on the margin⌉, ne ita talia negotia ei capitulum facessat et illum facilitatibus et rebus eius trahat. Ego hanc gratiam merebor Vestrae Reverendissimae Paternitati et mercedem a Deo recepturu<s>, nam quicquid Vestra Reverendissima Dominatio fecerit, procul dubio capitulum non refragabit, nam Vestra Reverendissima Dominatio est caput capituli et quicquid visum fuerit Vestrae Reverendissimae Dominationi, nemo contradicere poterit. Commendo me cum(?) iis gratia paper damaged⌈[ratia]ratia paper damaged⌉e amplissimae Vestrae Reverendissimae Dominationi.

Dat(ae) or Dat(um)⌈Dat(ae)Dat(ae) or Dat(um)⌉ Pyotrkouiae, feria sabbato divae Appoloniae 1538.

Vestrae Reverendissimae Paternitatis addictissimus Nicolaus Wolski castellanus Sandomiriensis serenissimae maiestatis reginalis magister curiae