Venerabilibus Dominis praelatis, canonicis et capitulo ecclesiae nostrae Varmiensis, fratribus sincere nobis dilectis

Ioannes Dei gratia episcopus Varmiensis

Venerabiles Domini, fratres sincere dilecti.

Mittit ad Fraternitates Vestras advocatus et capitaneus noster Braunsbergensis edictum regium, quod nos per omnem ditionem nostram publicari iussimus. Quod et Fraternitatibus Vestris faciendum censemus, ne serenissimae maiestatis regiae, domini nostri clementissimi, voluntati non satisfactum esse aut per Fraternitates Vestras stetisse videri possit. Exspectamus praeterea, quemadmodum inter nos convenit, ad illustrissimum ducem vicinum nostrum litterarum missionem.

Et Fraternitates Vestras feliciter valere optamus.

Ex arce nostra Heylsberg, XIIII Iunii MDXLI.