» CORPUS of Ioannes Dantiscus' Texts & Correspondence
Copyright © Laboratory for Source Editing and Digital Humanities AL UW

All Rights Reserved. No part of this publication may be reproduced or transmitted in any form or by any means, electronic or mechanical, including photocopy, recording or any other information storage and retrieval system, without prior permission in writing from the publisher.

Letter #758

Erard de la MARCK to Ioannes DANTISCUS
Kuringen, 1532-02-24


Manuscript sources:
1fair copy in Latin, AAWO, AB, D. 67, f. 120

Auxiliary sources:
1register in Polish, 20th-century, B. PAU-PAN, 8247 (TK 9), f. 37
2register in English, 20th-century, CBKUL, R.III, 31, No. 407

Prints:
1DE VOCHT 1961 No. DE, 200, p. 134 (English register)

 

Text & apparatus & commentaryPlain textText & commentaryText & apparatus

 

Reverendo Patri, Domino Ioanni episcopo Culmensi, serenissimi regis Poloniae apud caesaream maiestatem oratori, amico optimo.

Reverende Domine, frater et amice carissime.

Commendationem.

Allatae Reverendae Dominationis Vestrae litterae, Antwerpia praesentis mensis die XX-a datae, ob eiusdem apud me hoc in loco conventum et aliquorum dierum penes me moram gratissimae mihi fuere, quare nihil mihi iucundius est, quam summe cupere desiderare et anhelare Reverendam Dominationem Vestram invisere et affectuosissime amplecti.

Rogo idcirco amicissime eandem, velit, rebus suis maritime et terra suam in patriam destinatis, quantocius fieri poterit, ad me hunc in locum non solum, ut ita dicam, venire, sed advolare, quam tempore labenti intermedio gratissimam et acceptatissimam, donec eam videro, desideratissime in singulas horas exspectabo et anhelabo, aliquot dies laetissime et hilarissime tempus convivio et commentationibus cum Eius Dominatione Vestra Reverenda Deo volente deducturus. Quae diu bene ac feliciter valeat.

Curingiae, XXIIII-a Februarii XV-c XXXII-o.

Frater et bonus amicus Eius cardinalis Leodiensis