Reverendo in Christo Patri, domino Ioanni episcopo Varmiensi, sincere nobis dilecto

Bona Dei gratia regina Poloniae, magna dux Lituaniae, Russiae, Prussiae, Masoviae etc. domina

Reverende in Christo Pater, sincere nobis dilecte.

Pro novitatibus, quas nobis Vestra Paternitas perscripsit, habemus agimusque illi gratias. Postea quid inter eosdem principes et populos agetur et si quid aliud novi boni aut mali habebit Vestra Paternitas, id perscribere nobis ne gravetur. Nos etiam id Vestrae Paternitati scribimus, quod episcopus Wratisla[viens]is conivente seu permittente rege Bohemiae ux[or]em sibi ducit. Vestra etiam Paternitas, si vult facere [mi]raculum, itidem faciat et in senecta uxorem ducat. Haec in his ineptiis iocari cum Vestra Paternitate voluimus.

Quam salvam ac felicem esse optamus.

Datae Cracoviae, die XXVIII Martii, anno Domini MDXLVI.