Ioannes etc.

Unsere gunst zuvorann. Ersame, libe getrwenn.

Wie ir uns geschribenn von wegen des smidtknechts, / und wie gedrewet wirt etc., ist unser wille, das gedochter smidtknecht, der im ehebrucht vylleicht die schantliche gekowffte gesvengert, / gefenglich vorhaltenn von euch werd biss noch Sankt Michels tag zu unser zukumfft etc. / Was das hospital belangt, / ist noch unser meynung unsermm vogt unnd probst do selbst vorhelffen solt, / do mit das einkomenn und czinser gewiss gemacht und gewust werdenn etc. Die zcygel scheune wolde wir wol, das sie mit den ersten wurde ausgericht und so, das unser stad und euch allen zum besten kompt, / solt ir mit den erstenn ewers vormugens dazu statlich thun. / Worinne ir unser gunst gen euch mherenn und uns thut sundren wolgefallenn. / Gote dem almechtignn befholenn. /

Datum aus unsermm slosse Lobau, den X Iulii 1534.