» CORPUS of Ioannes Dantiscus' Texts & Correspondence
Copyright © Laboratory for Source Editing and Digital Humanities AL UW

All Rights Reserved. No part of this publication may be reproduced or transmitted in any form or by any means, electronic or mechanical, including photocopy, recording or any other information storage and retrieval system, without prior permission in writing from the publisher.

Letter #1519

Ioannes DANTISCUS to Mauritius FERBER
Löbau (Lubawa), 1536-07-24
            received [1536]-07-26

Manuscript sources:
1fair copy in Latin, autograph, address in secretary's hand, BCz, 244, p. 135-138
2rough draft in Latin, autograph, BCz, 244, p. 127 (b.p.)
3copy in Latin, 18th-century, BK, 232, p. 190-191
4copy in Latin, 18th-century, B. Ossol., 151/II, f. 143v-144r
5copy in Latin, 18th-century, BCz, 54 (TN), No. 124, p. 407-408
6excerpt in Latin, Polish, 20th-century, B. PAU-PAN, 8243 (TK 5), a.1536, f. 80r-v

Prints:
1AT 18 No. 281, p. 309-310 (in extenso; Polish register)

 

Text & apparatus & commentaryPlain textText & commentaryText & apparatus

 

Reverendissimo in Christo patri et domino, domino Mauricio Dei gratia episcopo Varmiensi, fratri et amico carissimo ac plurimum observando.

Reverendissime in Christo Pater et Domine, domine mi observandissime. Salutem et mei plurimam commendationem.

Eas, quas illustrissimus dominus dux Prussiae ad Dominationem Vestram Reverendissimam et ad me dedit et quae ad illa Dominatio Vestra Reverendissima rescripsit, accurate legi. Invenio Illustrissimam Dominationem eius ex novissimo meo responso ansam cepisse, ut a serenissima maiestate regia pro subsidio electi regis Daniae pecuniae, quae Marienburgi sunt, peterentur. Sic enim illi obiter per modum incerti consilii scripseram, quemadmodum et reverendissimo domino episcopo Plocensi, sicut ea legit Dominatio Vestra Reverendissima ex litterarum mearum exemplo, quod nuper frater meus Dominationi Vestrae Reverendissimae ostendit. Neque aliud pro rudi mea consideratione video, si necessitas aliqua ingrueret , quam quod serenissima maiestas regia esset pro eiusmodi pecunia roganda, qua hostes, quanto possemus diutius et remotius, a nobis arceremus. Cum autem Dominationi Vestrae Reverendissimae expedire non videtur, ut nos stantibus ut nunc rebus quippiam a serenissima maiestate regia postularemus, id ipsum illustrissimus dominus dux per se facere poterit commodius, quandoquidem pecuniae sunt regiae, quas in quoscumque voluerit, usus serenissima maiestas regia potens est convertere hocque illi in ea, qua voluit Dominatio Vestra Reverendissima, sententia respondendum duxi. Quod Gdanenses, quia prius non contribuerint, iam per me induci debeant, ut resarciant omissa, in me non suscipio, pro illis quidem certis ductus rationibus rogatus scripsi, verum pro illis nihil umquam sum pollicitus etc. Utcumque res habent Danicae, nobis omnino non sunt contemnendae, quod si electus rex sic desertus a concepto per comites palatinos Rheni reprimetur, hostem habebimus certo in foribus, quem domi (quod omen procul absit) maiori impensa et periculo sustinebimus, si illum hoc tempore foris leviori sumptu et tutius remorari neglexerimus. Sed ista fortassis pro modulo tenui mei intellectus scripta liberius non aliorsum accipi velim, quam meae in Dominationem Vestram Reverendissimam observantiae meliorique Dominationis Vestrae Reverendissimae iudicio convenit. Cui et aetatem quam diutissime incolumem precor, et me ex animo commendo.

Lubaviae, 24 Iulii 1536.

Reverendissimae Dominationis deditissimus filius Ioannes episcopus Culmensis etc. scripsit et subscripsit