Dem marienburgschen und pomerelschen woywoden / und den von Thornn.

Unsernn etc. / Grosmechtiger etc.

Unser diner, den wir negst von Graudencz an konigliche majestet, unsern allergnedigsten hern, mit briven der hern lande und steth gefertiget, / hoth uns dis antwurt uff alles schreibenn, / wie disse eingelegte copey inhelt, / mitgebrocht, / doneben uns ouch der hochwirdigste her bischoff zu Krako, des reichs Polenn oberster kanczler, schrifftlich hot angeczeigt / von unsernn preussischen hendlen, wie die clausel / bey der copey konigliches briffs / thuth lauten, / derwegen ehrdan die czeise an ghet, / weiterer bescheid von koniglichem hove ist zu wartenn. Das wirt dergestalt , den es [u]nsers rodts zu wissen von notenn, [E]wer Herlichkeit mitteilenn, / die wir Gothe in langweriger gesuntheit thun befelen.

Datum aus unsermm slosse Lobau, den II Novembris MDXXXVII.