Was Ewer Herlichkeit ⌊⌋ des hengst halben, / bitten wir noch wolde so lossen ansthen, bis das wir in unsere newe herschafft komenn und do besehen, was uns wil zu thun sein etc. Was den briff an den hern ⌊bischoff zu Krako⌋ unnd das tappit belangt, / wolle wir, / so wir schicken werdenn, uns noch Ewer Herlichkeit beger haltnn etc. Unser diner, den wir vonn ⌊[G]raudencz⌋ ausgesendt, hoth uns nichts anders mitgebrocht, dan wie die copey inhelt bey unsernn ⌊⌋ an den grosmechtigen hern ⌊marborgschen woywoden⌋ gebunden, die mag Ewer Herlichkeit vorlesen / und sie widerummb so an den hern woywoden lossen gelangen / etc. Wir gebenn hern ⌊Herman von Bremenn⌋ ein briff an Ewer Herlichkeit, aus der schreiben wir nicht vornemenn, ab er geantwurt sey etc. Von hove ist nicht anders newes, dan das XIIII tage vor 1537-11-11⌊Martini1537-11-11⌋ ⌊romische konigliche majestet⌋ sol lossen wissen, / wanne und wohyn der her ⌊bischoff zu Krako⌋ mit dem hern ⌊posnanschen woywoden⌋ komenn sol. Weren die geste, do von uns Ewer Herlichkeit schreiebt, volkomen zu uns gelangt, / wolt wir uns recht habenn gehalten etc. etc. Hiemit Ewer Herlichkeit mit ir togentszamen ⌊hausfrawen⌋ und derselbtnn mutter, / die wir bitten vonn unsern und unser libenn ⌊mutter⌋ und svestern wegenn zu grussen. / Gothe befholenn. /
