Unsernn etc. Ersame, {nhanhafftige} hern etc.

Wir haben gestriges tag Ewer Erbarkeit schreibenn entfangen und nicht gernn daraus vornomenn, das der her lancziczerr castellan sich dergestalt mit Ewer Erbarkeit eingelassenn, / das wir achten anderswo von dis lands abgunstigen, oder aber durch unsere uffrurige mues zuflisse[n], derwegen wir Ewer Erbarkeit, / der wir in allem gutt[enn] geneigt, / zu willen unbesvert koniglicher majestet unserem allergnedigsten hern, / wie beygelegte copey mitbringt, geschribenn. / So solche meynung Ewer Erbarkeit thut gefallenn, wolt vorschaffenn, das es bey hove / und bey d..., den es angeth, / uns nicht ungunst oder vordriss thet brengen, / wie dan solchs Ewer Erbarkeit aus irem vorsichtigen vorstande wol werdnn wissenn lossenn furdrenn. / Goth[e] in sein gnad befholenn.

Datum aus unsermm slosse Lobau, den XXIIII Novembris M D XXXVII.