Scriptis his litteris reginalis maiestas scripsit ad nos misitque omnes litteras ex Roma missas, quibus regiae maiestati scribitur, quod summus pontifex noluit concedere annatas regiae maiestati pro quibus obtinendis miserat dominum Soboczky aulicum suum. Et ita nos cum aliis dominis nominatis ad episcopatus cogimur magnam Romam mittere pecuniam, et nos praesertim, qui ante unum cum medio annum miseramus illuc duodecem millia florenorum, et nunc cogimur mittere decem octo millia, quae profocto(!) sanctissimus debuit condonare regno et maiestati regiae pro defensione pro paganis.

De rege Franciae ita scribitur, quod revocaverit omnes suos milites ex Italia, quia regina Maria multos milites suos profligaverit. Haec sunt, quae nobis scripta sunt et quae voluimus Vestrae Reverendissimae Paternitati veteri nostro amico perscribere.