Letter #1856
Ioannes DANTISCUS to Ermland (Warmia) ChapterHeilsberg (Lidzbark Warmiński), 1538-05-23
English register:
Dantiscus wishes the Chapter would transfer the custodianship, which is vacant after Tiedemann Giese’s move to the Kulm (Chełmno) bishopric, to Felix Reich as soon as possible.
As regards the matter of Stanisław Hozjusz (Hosius), he has presented it orally to Reich, who will submit it to the Chapter on the Bishop’s behalf.
Unfortunately poor health does not allow Dantiscus to come to Frauenburg (Frombork) before his departure [on his diplomatic mission to Ferdinand I of Habsburg]. He asks the canons to pray that his journey be auspicious.
Manuscript sources:
Prints:
| ||||||
Text & apparatus & commentaryPlain textText & commentaryText & apparatus
BCz 1596, p. 488Venerabilibus Dominis, praelatis, canonicis et capitulo ecclesiae nostrae Warmiensis, fratribus sincere nobis dilectis
BCz 1596, p. 485Ioannes Dei gratia episcopus Warmiensis
Venerabiles Domini, fratres sincere dilecti.
Quia custodia istic orig. isthic⌈isticistic orig. isthic⌉ ecclesiae nostrae per futuram cessionem reverendissimi domini Culmensis venerabili fratri nostro, domino Felici Reich canonico et in spiritualibus vicario nostro generali, destinata est, de quo certam notitiam habemus ipsique constitutionis ad cedendum in ipsius favorem et alias necessarias litteras in Urbem misimus non dubitantes negotium hoc brevi conficiendum esse. Ne autem interim ob reverendissimi domini Culmensis absentiam ipsa praelatura suis officiis et incumbentibus oneribus fraudetur, diligentius enim per ipsum dominum, quam vicarium aut procuratorem, res administrari solet, probaremus, quod Fraternitates Vestrae praedicto domino Felici in tempore et citra inutilem dilationem eiusdem custodiae possessionem fraterno affectu traderent. Fieretque nunc maturius, quod postea certo futurum est, sed tardius. Cumque id sine ullius praeiudicio aut incommodo, immo ex re venerabilis capituli et ecclesiae fore arbitremur, non putamus subesse causam, cur hoc negare debeant Fraternitates Vestrae. Quae et nobis in hoc rem non ingratam et paterna propensione compensandam sunt facturae.
Praeterea ipsi domino Felici quaedam alia ratione venerabilis domini doctoris Stanislai Hosii regiae maiestatis secretarii ex regia ad nos commissione Fraternitatibus Vestris referenda commisimus. Cui ut fidem habeant operamque in iis, quae res postulat, navent, Fraternitatibus Vestris iniungimus et ab eis rogamus, desiderantes, ut divinam misericordiam comprecentur, ut profectionem nostram, ad quam adhuc imparati et viribus ex integro nondum restitutis, ut idem dominus Felix fusius referet, rebus ita postulantibus non tam evocamur, quam extrudimur, prosperare dignetur, Fraternitates Vestras vicissim bene valere cupientes.
Ex arce nostra Heilsberg, 23 Maii, anno 1538.