BCz, 1601, p. 312

Reverendo in Christo Patri, domino Ioanni episcopo Warmiensi et magnifico Ianussio Latalski palatino Posnaniensi et capitaneo Iuniwladislaviensi, oratoribus nostris ad serenissimum Romanorum regem etc. sincere nobis dilectis

BCz, 1601, p. 311

Sigismundus Dei gratia rex Poloniae, magnus dux Lituaniae, Russiae totiusque Prussiae ac Masoviae etc. dominus et heres

Reverende in Christo Pater et Magnifice, sincere nobis dilecti.

Cum nobilis Iostus Ludovicus Decius secretarius noster fidelis dilectus ad recuperandum credita sua, bona certa in ditione serenissimi Romanorum, Hungariae et Bohemiae etc. regis, acceptare fuerit coactus, supra id, quod annis superioribus ab hostibus captus et misere afflictus fuerat, etiamnum varia incommoda patiatur, humiliter maiestati nostrae supplicavit, ut hac se praebente occasione negotium hoc totum S(incerita)tibus or S(trenuita)tibus⌈S(incerita)tibusS(incerita)tibus or S(trenuita)tibus⌉ Vestris apud illam maiestatem promovendum committeremus. Nos itaque iuste pro eo et ipsius petitioni pro gratia, qua illum complectimur, concedentes, S(incerita)tibus or S(trenuita)tibus⌈S(incerita)tibusS(incerita)tibus or S(trenuita)tibus⌉ Vestris committimus, ut accepta ab eodem Iosto informatione, negotia ipsius inter reliquos legationis articulis apud serenissimum Romanorum regem etc. nostro promoveant nomine, prout nostra admittit dignitas et ipsius necessitas exigit, pro gratia nostra facturae.

Datum Cracoviae XXIIII-a die mensis Mai, anno Domini M-o D-o XXX-o VIII-o, regni vero nostri anno XXX-o II-o.