» CORPUS of Ioannes Dantiscus' Texts & Correspondence
Copyright © Laboratory for Source Editing and Digital Humanities AL UW

All Rights Reserved. No part of this publication may be reproduced or transmitted in any form or by any means, electronic or mechanical, including photocopy, recording or any other information storage and retrieval system, without prior permission in writing from the publisher.

Letter #2705

Samuel MACIEJOWSKI to Ioannes DANTISCUS
Piotrków, 1544-02-16
            received Heilsberg (Lidzbark Warmiński), 1544-02-23

Manuscript sources:
1fair copy in Latin, in secretary's hand, author's signature, BCz, 1599, p. 391-394

 

Text & apparatus & commentaryPlain textText & commentaryText & apparatus

 

Reverendissimo in Christo Patri et Domino, domino Ioanni Dei gratia episcopo Varmiensi, fratri et amico observ[a]tissimo

Reverendissime in Christo Pater et Domine, amice carissime ac honorande.

Salutem et sui officiosam commendationem.

Causa, quam commendavit mihi suis litteris Reverendissima Dominatio Vestra, quoniam perdifficilis est visa, ad dominos consiliarios terrarum Prussiae est remissa. Illorum sententiam cognoscere prius vult sacra maiestas regia. Petro Branth ea, quae petiit, negari nequaquam potuerunt, cum in litteris restitutionis in integrum pupillo datis facta sit ei potestas causas afferendi. Quamobrem in integrum restitui pupillum non oporteat. Quae in scheda scripsit Reverendissima Dominatio Vestra, ea communicavi cum sacra maiestate regia. Pertinacia istorum male nos habet. Quid cogitet sacra maiestas regia, nondum scimus, sed legatos decretum est Gedanum non mittere. Cetera Reverendissima Dominatio Vestra ex doctore Hosio cognoscet. Pro equo ago illi gratias. Quominus palatinatu potitus sit dominus thesaurarius, in causa est, cuius nutu aguntur omnia.

Valere Vestram Reverendissimam Dominationem cupio bene.

Datum Piotrcoviae, XVI Februarii anno Domini MDXLIIII-o.

Vestrae Reverendissimae Dominationis frater et servitor Samuel episcopus Plocensis et vicecancellarius