» CORPUS of Ioannes Dantiscus' Texts & Correspondence
Copyright © Laboratory for Source Editing and Digital Humanities AL UW

All Rights Reserved. No part of this publication may be reproduced or transmitted in any form or by any means, electronic or mechanical, including photocopy, recording or any other information storage and retrieval system, without prior permission in writing from the publisher.

Letter #361

Sigismund I Jagiellon to Ioannes DANTISCUS
Cracow (Kraków), 1527-08-15
            received Burgos, 1527-11-03

Manuscript sources:
1fair copy in Latin, in secretary's hand, author's signature, AGAD, AZ, 2999, f. 70
2rough draft in Latin, BNW, BOZ, 2053, TG 7, No. 791, f. 133r
3copy in Latin, 16th-century, BJ, 6550, f. 482r-482v
4copy in Latin, 16th-century, BJ, 6550, f. 534r
5copy in Latin, 16th-century, BCz, 265, No. 198, p. 355-356
6copy in Latin, 18th-century, BCz, 40 (TN), No. 97, p. 413-414
7copy in Latin, 18th-century, BCz, 44 (TN), No. 115, p. 547-548
8copy in Latin, 18th-century, BK, 225, No. 406, p. 896-897
9copy in Latin, 18th-century, BCz, 262, p. 394-395

Auxiliary sources:
1register in Polish, 20th-century, B. PAU-PAN, 8245 (TK 7), f. 452

Prints:
1AT 9 (2nd ed.) No. 247, p. 250 (in extenso)
2AT 9 (1st ed.) No. 225, p. 253 (in extenso)

 

Text & apparatus & commentaryPlain textText & commentaryText & apparatus

 

BNW, BOZ, 953, f. 70v

Magnifico Ioanni Dantisco, consiliario et oratori nostro sincere dilecto

BNW, BOZ, 953, f. 70r

Sigismundus Dei gratia rex Poloniae, magnus dux Lithuaniae, Russiae, Prussiae, Mazoviae etc. dominus et heres

Magnifice fidelis dilecte.

Quod te hactenus a munere legationis, quo istic fungeris, non absolverimus neque te ad nos revocaverimus, facit cum rerum nostrarum ratio, tum temporis huius perturbati condicio. Cum primum tamen opportunum nobis tempus videbitur te absolvendi, e vestigio tibi declarabimus et te nobis restituemus. Interim maneto adhuc istic in aula caesareae maiestatis, donec a nobis fueris revocatus et, quae ad rerum nostrarum utilitatem nostramque cum caesarea maiestate benevolentiam et coniunctionem faciunt, diligenter, ut hactenus fecisti, curato.

Ceterum soluto Quadragesima praeterita conventu regni nostri, petivit a nobis magnificus Iaroslaus Lasky palatinus Siradiensis, veniam Loretum ad quaedam vota persolvenda concedendi, qua obtenta intelleximus posthac illum, omisso ipso votario itinere, in Ungariam deflexisse seseque illi regi addixisse, demum in Galliam et Angliam eius nomine profectum esse prorsus absque ulla scientia et voluntate nostra. Haec ideo tibi scribimus, ut, si fama aliqua istuc ad aulam caesareae maiestatis de ipso et actis eius permanavit aut postea permanaverit, scias rem uti se habeat, ut suspicionem, si quam inde de nobis vel caesarea maiestas vel aliqui alii conciperent, vera ratione diluere posses. Nollemus enim causa huiusmodi ardelionum videri quicquam adversus amorem et coniunctionem nostram cum caesarea maiestate committere, nam profecto, ut haec legatio facta sit sine scientia et voluntate nostra, ita et molesta est nobis plurimum et erit omnino non impunita. Cures, ut saepius nobis scribas, et bene vale.

Dat(ae) or Dat(um)⌈Dat(ae)Dat(ae) or Dat(um)⌉ Cracoviae, XV-a Augusti, anno Domini M-o D-o XXVII-o, regni vero nostri anno XXI-o.

Sigismundus rex subscripsit