» CORPUS of Ioannes Dantiscus' Texts & Correspondence
Copyright © Laboratory for Source Editing and Digital Humanities AL UW

All Rights Reserved. No part of this publication may be reproduced or transmitted in any form or by any means, electronic or mechanical, including photocopy, recording or any other information storage and retrieval system, without prior permission in writing from the publisher.

Letter #3630

Otto BREWER to Ioannes DANTISCUS
Löbau (Lubawa), 1538-03-15
            received [1538]-03-28

Manuscript sources:
1fair copy in Latin, BCz, 1595, p. 993-994

 

Text & apparatus & commentaryPlain textText & commentaryText & apparatus

 

Reverendissimo in Christo Patri et Domino, domino Ioanni Dei gratia episcopo Culmensi, administratori Pomezaniensi et postulato Warmiensi, domino et patrono suo perpetuo

Post humillimam obsequiorum meorum commendationem.

Reverendissime in Christo Pater et Domine, domine clementissime.

Exspectabam hactenus cum summo desiderio Paternitatis Vestrae Reverendissimae, domini mei clementissimi, promissam informationem. Quam pridie consecutus litteras Paternitatis Vestrae Reverendissimae cum ea, qua decuit, reverentia accepi et diligenter legi. Ex quibus voluntatem eiusdem Paternitatis Vestrae Reverendissimae plane intellexi eique totaliter et incunctanter me accommodare et satisfacere statui, nisi hae infrascriptae obstetissent non contemnendae rationes.

Imprimis currens tempus Quadragesimae, in quo solus occupor in cura animarum, demum rebus domesticis incompositis usque post festa [Pascha]lia protelabor. Attamen partem suppellectilis his diebus mecum adducam ad Vestram Reverendissimam Paternitatem.

Quam Deus Optimus Maximus conservare salvam, sanam et laetam dignetur nominis sui ob gloriam servulique sui pro consolatione.

Ex Lubaw, XV Martii anno Domini 1538.

Vestrae Reverendissimae Paternitatis ego servus sedulus Otto Brewer