Es hot uns ⌊Caterina⌋, etwan des vorstorbenn ⌊Hans Winkeler⌋ hausfrau, / das testament, das gemelter ir man in beweisen etlicher personen des ⌊rots⌋ / noch weise und gewonheit ewres lubschen rechts / hot lossen beschribenn, / vorgebrocht, / welchs so wir haben horenn lesen, / und das sich die erben, die in der ⌊Slesien⌋ sein solnn im testament ausgedruckt und der erbschafft entseczt bisher zu erbschafft / nicht bewise[n], werden die nochgelosne gutter, / die dem vorstorbnemm zu komenn caducet / oder erbloss sein, / welche an uns gefallenn, / derwegen wir euch befhelen mit den ersten uns zuberichten, / wie ... mit disser sachen ein gestalt habe, / und worummb ir nich wollet zulassen solchs testament zu volczihen, woran ir unser meinung willenn werdet wissenn zuthun.
Es hot uns negst ein ⌊ersam roth zu ⌊Danczk⌋⌋ geschribenn, / des schulme[is]ters halbenn von der Passarien, / das er unkentlich ist, / daruff wir geantwurt, das wir euch befholenn, / imants, der in kent, do hin zuschicken und anzuzeigen, / dem ir so werdet nochkomenn etc.
