Unsern freuntlichen grues und was wir liebs und guets vormugen zuvoran. Ersame, namhafftige hern, gunstige freunde.

Negst, do wir von Ewer Herlichkeit unnsern abschiedt nemen, thet wir ein vorbit vor unnsern besundern Paul Pasken, das in Ewer Herlichkeit von unnsern und seines vattern wegen, der bey Ewer Herlichkeit sich erlich und dienstlich woll gehalten, / wolten so gunstig erscheinen, / das er zu erkeim stat ampt oder dienst mocht khumen, worhime Ewer Herlichkeit sich freuntlichen uns haben lassen horn, / im wolten befolhen haben. So wir aber yetz vorstanden, das die wege ledig ist, bit wir abermals, wolt gedachts Pauln nicht vorgessen und unser bit gemessen lassen. / Verschult wir umb Ewer Herlichkeit altzeit gern, die wir Gote dem almechtigen in lanngwerige gesunthait und gluckhseyligen zu nemen thun befelhen.

Datum auf unsern slosse Lobaw, den II tag Augusti anno domini 1533.

Ioannes, bischoff zu ...