Den ersamen und namhaftigen herren burgermeister und rathmannen der koniglichen stadt Dantzig, unsern besondern, guthen freunden.

Unnsern freuntlichen grues unnd alles guts zuvorn. Ersame, namhafftigen hernn, besonndere, guete freunde. /

Wir hetten gemeint, dor tag zu Graudentz solte von wegen des gebruchs der notturfft, / wie die von Graudentz durch ihren heuptman haben antzeigen lassen, / ungehalten blieben sein, / dohin wir uns auch aus leibs schwacheit, / die unns bei zwei monat eingehalten, / nicht hetten mugen begeben. / Uns ist aber vor wenig tagen durch unnsern diener von koniglichem hove der brieff mit koniglichem anhangendem siegel von wegen der appellation geworden, / wie ihn die konigliche rethe dieser lande habenn begert, / des wir Ewer Erbarkeit eine warhafftige copei zuschicken, / darnach sich Ewer Erbarkeit unnd die gerichte werdenn wissen zuhalten. Hiemit gotlichen gnaden bevolhen. /

Datum aus unserm schlos Heilsberg, den 13. Octobris 1542.

Joannes, von Gots gnaden bishoff zu Ermelandt /