Dem hochwirdigsten in Got furstenn unde hernn, / hern Ioanni von Gotis genaden bisschoff zcu Culmensehe, / administrator zu Pomezan / unde des loblichen stichts Ermelant postulirten etc., meynem genedigen hernnn.

Hochwyrdigster in Gott Furste, Genediger Herre, /

Ewer Ffurstlichennn Genoden seynth meyne ghehorszame unde vorphlichtige, wyllige, stethe dÿnste alle wegen noch meynem hogesten vormogen zcuvorannn bereytt unde enthpholennn.

Genediger Herre.

Ich fuge Ewer Ffurstlichen Genoden zcu wysszen, das ich gekofft habe II tonnen heren geczyrckelt guth unde schycke szy bey Scimen Pale, zceger, der myr den bryff von Ewer Ffurstlichen Genoden brochte. Unde steytt dy tonne = Ꝟ mark, ist = IX mark gros.

Genediger Herre, ich wes Ewer Ffurstlichen Genoden newe zceytunge dyssze zceytt nicht zcu schreybennn, denne das das byr wyrth trefflich vyll ausszgeschifft / unde wyrth off den sommer towr warden. Szo Ewer Ffurstlichen Genoden vor das glas etczwas guttes haben wyll, / szo magk Ewer Ffurstlichen Genoden vor Ostern gutt marczbyr losszen bestellennn.

Genediger Herre, meyne hauszfrowe unde alle gutten frunde losszen Ewer Ffurstlichen Genoden fruntlichennn grusszennn. Domytthe ich Ewer Ffurstlichennn Genoden dem almechtigen in gluckszeliger geszuntheytt thu bephelennn.

Datum Danczke, am 7 Martii anno 1538.

Ewer Furstlichen Genoden guthwylliger dÿner Macz Platen