» CORPUS of Ioannes Dantiscus' Texts & Correspondence
Copyright © Laboratory for Source Editing and Digital Humanities AL UW

All Rights Reserved. No part of this publication may be reproduced or transmitted in any form or by any means, electronic or mechanical, including photocopy, recording or any other information storage and retrieval system, without prior permission in writing from the publisher.

Letter #4574

Fabian WOJANOWSKI (DAMERAU) to Ioannes DANTISCUS
Cracow, 1538-05-05
            received [1538]-05-19

Manuscript sources:
1fair copy in Latin, autograph, AAWO, AB, D. 5, f. 153

 

Text & apparatus & commentaryPlain textText & commentaryText & apparatus

 

Reverendissimo in Christo patri et domino, domino Ioanni Dantisco, [Dei g]ratia episcopo Varmiensi, domino meo gratioso

Reverendissime domine, domine gratiose.

Angustia temporis in arctum me cogit, heri enim sero huc redii incolumis supplicaturus gratiosissimae dominae meae, ut liceat secedere in patriam ad reposandum, ubi Vestrae Reverendissimae Dominationi multa coram erunt referenda, calamo non satis tuto committenda, domini Cornelii Schepperi litteras hic inclusi, qui apud Gallos pro dexteritate et sinceritate sua insignis caesaris est orator, sed frustra laboratur, pacem nullam speramus etc. Coram plura.

Habeo et alia reddenda scripta, sed et cantica notata, quae solus reddam.

Commendo me humiliter Vestrae Reverendissimae Dominationi, quae felicissime valeat.

Negotium de canonicatu Deo relinquo, cuius nutu omnia subsunt.

Datae raptim Cracoviae, 5 Maii 1538.

Eiusdem Vestrae Reverendissimae Dominationis servus Fabianus Damerau