Euer Lieb ⌊⌋, / darinnenn unns dieselb, / des edlenn unnd ernvestenn unnsers besondernn liebenn, / des ⌊woÿwodenn zw Ploczke⌋ ⌊schwester⌋ ⌊son⌋ gewerbe. / So er an unns vonn gedochts hernn ⌊woiwoden⌋ wegenn zutragenn genediglich anczuhorenn unnd widerumb mit genediger anntwurt / zubegegnen bittenn unnd unns denselbenn bevhelenn thuet enntpfanngenn, / innhalts vorstanndenn unnd eingenomen habenn unns derwegenn / gegenn ihme sovil ann unns / aller genedigenn gepur ertzeigeth / unnd ihnenn nach unnser gelegenheit auff sein anntragen beantwurtett / unnd abgefertigeth. / Vorsehennlich der herr ⌊woÿwod⌋ auch seiner herrlichkeit geschikter damit zufridenn sein unnd unns darumb nicht vordennkenn werdenn.
Nachdem Euer Lieb auch sich uber unnsernn ⌊hauptman zw ⌊Ortelspurg⌋⌋, das er dis gegenn Euer Lieb underthanenn vortzuvemenn dreweth / das vor mehr kein amptman gethann beschwerehn thuet. Wollenn wir Euer Lieb darauff nicht pergenn, das wir des hanndels halbenn, / sunderlichenn grossenn bericht nicht habenn vorstehenn aber doch vonn unnserm ⌊hauptmann⌋ das Euer Lieb unnderthanenn inn unnserer wiltnus unnd inn ⌊unnserm furstennthum⌋ weit uber die grenitz beuttenn machenn sollenn, / darann noch nicht ersettigeth sunder auch denn unnsernn, do sie der ort betrettenn / beuttenn zumachenn sich unnderstehen zuneherenn. / Wo nhun solchs seinem bericht nach also hettenn Euer Lieb zuermessenn, mit was pillikeit solches vann Euer Lieb unnderthanenn vorgenhomenn habenn dernwegenn dem amptmann uff solches gut acht zugebenn unnd uber dem unnserm zuhaltenn sovil zimlich unnd pillich bevholenn. / So dann Euer Lieb vormeinenn, / das unns sei wie wir nicht unnpillich acht... der ort die grenitz zubesichtigenn, / wollen wir die unnsern sovern es Euer Lieb gevellig und die irigenn auch zu solcher besichtigung abfertigenn wollenn, damit keinem teil a... dem seinenn nichts entzogenn auff gelegene zeit ge[n] dahin schikenn. /
Unnd habenn uff vorigs Euer Lieb ⌊⌋ / dem ernvestenn unnserm obermarschalk, / rath unnd liebenn getreuenn, ⌊Frideriche[n] vonn der Olschnitz⌋, den molbaw so weit es auff Euer Lieb grenitz gepawet widerumb abtzubrechenn / bevholen[n] welchem auch zwischenn hie unnd Michaelis, wie ihme d... Euer Lieb die zeit selbst angesetzt / zuthun gesinneth. Es zeiget un[ns] aber bemelter unnser ⌊obermarschalk⌋ / an wie das die al... gewonnlichenn wege unnd forte so aus Euer Lieb ⌊bischtumb⌋ inn unnser ⌊furstennthum⌋ durch die ⌊Passarienn⌋ ann etzlichenn orternn geenn unnd seyn unngehindert gangenn sein ganntz unnd gar vorhawenn sein sollenn. / Do er auch heimgefarenn / hat er nicht wollenn weit umbtzihenn must er selbst einen reumen unns dorauff gepettenn, / wir woltenn bei Euer Lieb dieweil es gutter nachparschafft nicht enlich sege, / auch zum teil wider die auffgerichtenn vortrege streitenn wolde / derhalbenn anregung thun das solche varhawung der wege auffgetha[n] unnd die wege wie sie var alters ihe unnd alwegenn geprauchet unvorhindert zuprauchenn gestattet. /
Diew[eil] wir unns dann zw Euer Lieb anders nicht vorsehenn, / das diselb nichts liebers dann das dem gemeinenn ha[n]del unnd wandel zw beiderseitz underthanenn from unnd nutz frei unnd unngehindert sehenn, welche a... die vartrege wollen und zulossenn. So ist abermals unnser freuntlich pith Euer Lieb dennselbenn so die wege vorhauenn, das sie sie widerumb abreumenn und menniglich wie vor alters ihe unnd alweg gebreuchlich durchtzihenn lassenn gepittenn wolde. / Das seint wir umb Euer Lieb nebenn dem das es pillich freuntlich zubeschuldenn urpottigk. /
Von Gots genadenn ⌊Albrecht marggraff zu ⌊Brandenburg⌋, in ⌊Preussen⌋, zw ⌊Stettin⌋, ⌊Pomern⌋, der ⌊Cassuben⌋ unnd ⌊Wenden⌋ hertzog⌋, burggraff zw ⌊Nurnberg⌋ unnd furst zu ⌊Ruegen⌋
