GStA, PK, HBA, C 2, No 79, f. 5v

Dem durchlauchten, hochgebornen fursten und hern, / hern Albrecht(en), marggraff(en) zw Brandenburgk etc. und herczog(en) zw Prewssen, / unserm grosgunstigen, liben hern unnd freunde

Fua superinscribed⌈aa superinscribed⌉rstlicher Ir(barkei)t zw Prewssen zwhandenn

GStA, PK, HBA, C 2, No 79, f. 1r

Durchlauchter, hochgeborner furst, grosgunstiger, liber her unnd freundt. Unsere freuntliche, willige dinst zuvoran. /

Wir wissen E(wr) Ir(barkei)t nicht zwbergen, / das wir von unserm underthan, / meister Simonn, maler zwr Lobaw, / mit undertheniger bitt ersucht sein, / im in seinen anligenden sachen ein vorschrifft an E(wr) Ir(barkei)t zwgeben. / Derhalben ist an E(wr) Ir(barkei)t unser fruntlich bitt, / wolt im inn seinen sachen, / wie in beÿgelegter uns uberreichten supplication vormeldeth, / gnediglich erscheinen / und befhelenn, / das er sein geld, / so er seinem stiffsone zwgut / vor das gut Rapten gegeben, / wider uberkom(m)en magk, / dan es ist landtkundig und offenbar, / das / das gut von des erben vater umb hundert und czwenczigk m(a)rgk, / wie ms. wir(!) ⌈wiewie ms. wir(!) ⌉ dan in der supplication vormeldet wirt, / vorpfandt ist gewest, / und das es unser underthan, der moler, / dem stiff sone zwgut gelost hot etc. Beschulden wir widerumb E(wr) Ir(barkei)t, die wir Gote dem almechtigen in langkweriger gelugseliger regirung thun befhelen, / in solchem und grossern alczeit gerne. /

Dat(um) uff unserm slosse Lobaw, den 9 Octobr(is) anno d(omi)ni 1534.

Ioannes, von Gots gnad(en) bischoff zw Culmen(n), administrator des bischtumbs Pomezan

[] text written on separate piece of paper