Dem Erwirdigenn in Goth unserm besondern Liebenn Freund und Nachparnn, herren Johansen bischoffenn zu Ermelanth etc.

Unnser freuntlich dinst mit wunschung aller gluckseligen wolfart fridlicher christlicher und langwiriger gluckseliger regirung ider zeit zevornn. /

Erwirdiger in Goth besonder Lieber Freundt und Nachpar. /

Aus freuntlicher verwandtnus können wir Euer Lieb (die wir wissenn <)> sich mit uns, unserer wolfarth erfreuenn / und das gegenswils (welchs Goth nach seinem heiligen willen zu langenn zeithenn verhueten wolle) bemueben / unangezeigt nicht lassenn, / das wir junge konigliche maiesteten zu Polan, unsern gnedigsten herrn und freuntlichen g[e]libten oheimen gesunth zur Wilna hinter uns gelassenn / und solcher gestalt, / dafür pillich Goth zudancken / in unserm furstenthumh zu Ragnet ankhommen, / verhoffende in kurtz zu Konigspergk zu sein. / Desgleichenn das Euer Lieb (das wir derselben von hertzenn wunschen) auch in guther wolmögenheit stehenn / und diweil uns dan vonn hochgedachter koniglichen maiesteten sambt andern personen mher / e[t]liche schriften an Euer Lieb lautende, / ferner derselben zuubersenden zuhanden kh[e]mmen, / welchs wir hiemit freuntlichenn thun. / Dan Euer Lieb in wil mhererem wolthetige nachparschaft / zuertz... ...nn, / seint wir iderzeit gewogenn. /

Datum Rag[n]et, den XXVIII-sten Maÿ [ann]o XLVI-sten.

Von Gots gnaden Albrecht marggraff zu Brandenburgk, in Preussenn, zu Stetin, Pomern, der Cassub[e]nn und Wendenn hertzog, burggraff zu Nurmbergk und furst zu Rugenn etc.