» CORPUS of Ioannes Dantiscus' Texts & Correspondence
Copyright © Laboratory for Source Editing and Digital Humanities AL UW

All Rights Reserved. No part of this publication may be reproduced or transmitted in any form or by any means, electronic or mechanical, including photocopy, recording or any other information storage and retrieval system, without prior permission in writing from the publisher.

Letter #5701

Sigismund I Jagiellon to Ioannes DANTISCUS
Vilnius, 1540-06-03
            received Heilsberg (Lidzbark Warmiński), 1540-06-12

Manuscript sources:
1fair copy in Latin, in secretary's hand, AGAD, AZ, 2999, f. 189
2office copy in Latin, AGAD, LL, 8, f. 263v-264av
3office copy in Latin, in secretary's hand, AIARFCN, Cancellaria Polonica 1538-1599, p. 181-182
4copy in Latin, 16th-century, BJ, 6560, p. 161-162
5copy in Latin, 16th-century, BCz, 281, No. 65, p. 151-152
6copy in Latin, 16th-century, BCz, 277, p. 186-187
7copy in Latin, 18th-century, BCz, 57 (TN), No. 92, p. 337-338
8copy in Latin, 18th-century, BCz, 278, No. 69, p. 142-143
9copy in Latin, 18th-century, BCz, 284, No. 113, p. 279
10register with excerpt in Latin, Polish, 20th-century, B. PAU-PAN, 8243 (TK 5), a.1540, f. 19r-v
11register with excerpt in Latin, English, 20th-century, CBKUL, R.III, 32, No. 560

Prints:
1DE VOCHT 1961 No. DE, 413, p. 325 (English register; excerpt)
2Sumariusz No. 1755, p. 192 (Polish register)

 

Text & apparatus & commentaryPlain textText & commentaryText & apparatus

 

f. 189v

Reverendo in Christo Patri, Domino Ioanni episcopo Varmiensi, sincere nobis dilecto.

f. 189r

Sigismundus Dei gratia rex Poloniae, magnus dux Lithuaniae, Russiae, Prussiae, Masoviae etc., dominus et heres.

Reverende in Christo Pater, sincere nobis dilecte.

In Alexandrum Sculteti documentum statuimus eiusmodi, ut facile alios a simili audacia deterritos iri existimemus, neque dubitamus, quin facturus sit S(anctissimus) D(ominus) noster, ut sententiam per nos latam confirmet.

Gratum nobis est, quod curae sunt Paternitati Vestrae mandata nostra de moneta deque libera frumenti evectione. Aliquid in comitiis istis profectum esse speramus, optamus quidem certe mandati nostri interpretationem, quod a nobis Paternitas Vestra exigit, ita ut scriptum est, illud intelligi volumus, ut nemo, cuiuscumque sit ordinis, ad loca de haeresi suspecta proficisci discendi causa audeat aut libros Lutheranos sive quorumcumque aliorum haereticorum legere domive suae habere atque edicto hoc nostro teneri volumus omnes opifices omnes mercatores omnes etiam scholasticos denique cuiuscumque status et conditionis homines, qui in Regno ditioneque nostra sunt. Nam, quod monachum attinet, curae futurum est reverendo in Christo patri domino Lucae Vladislaviensi episcopo, ut rationem inveniat, qua insolentia illius reprimatur. Ludimagistri vero quod meminit Paternitas Vestra, quem significet, non satis scimus, sed Elbingi, quae nostra civitas ad diocesim Paternitatis Vestrae pertinet, esse quendam accepimus non iam Lutheranum sed, quod magis est detestandum, sacramentarium et anabaptistam magnumque esse ad eum scholasticorum concursum. Est hoc officii Paternitatis Vestrae providere, ne sit locus tali homini in diocesi illius. Quod, si parum ipsa auctoritate sua profecerit, significet nobis. Nos in civitate nostra talem pestem laturi non sumus.

Quod stipendia Lypsensis Academiae attinet, si alterutrius rei iactura sit facienda, satius est ea perdi, quam perdi animas, dum pravis opinionibus inficiuntur, ipsi alios iisdem infecturi. Sed ratio tamen excogitari potest, qua et stipendia salva sint, et nostri tamen homines Lypsiam non proficiscantur. Lues ista longo tempore grassari nequit, uno atque altero anno, si Lypsiam profectus nemo fuerit, non ideo statim peribunt stipendia.

Valeat Paternitas Vestra.

Dat(ae) or Dat(um)⌈Dat(ae)Dat(ae) or Dat(um)⌉ Vilnae, III die mensis Iunii anno Domini millesimo quingentesimo quadragesimo, regni vero nostri anno trigesimo quarto.

Ad mandatum regiae maiestatis proprium.