Nhamhafftigenn, ersamenn borgermeister unnd ...annn, / der komelikennn ... Danczke mynem gunstigen ...nnn und lantluden.

Nhamhafftige, / ersame hrnn. / Mynennn fruntliken und willigennn denst thovorannn. /

Vor drenn dagennn hefft mich konigliche maiestet gefraget, / aff ik Iwerr Erbarkeit hedde angedragennn, / wat my syne konigliche maiestet vann wegennn der besetters und besetunge uff siner koniglichen maiestet finde gorder / befhalennn, / des ik uff Iwe Erbarkeit getuget, / dat ik deme szo gedarnnn. Hefft synn konigliche maiestet nicht klennn wunder unde bewechnisse dar ower gehat, / dat Iwe Erbarkeit nichts hirinne, / wo durch my gebadennn hebbennn, vorfolgeth. Is derhalwennn syne konigliche georsaket sulk nwe mandat an Iw scho schrivennn, / dar inne gy Iw wol wardennn wetennn tho holdennn. / Ik wolde Iwer Erbarkeit gerne fele leve und denstes / nha mynem vormogennn / hie bowisennn, / wo enemm goedennn lanczmann thosteit. / Iwe Erbarkeit moth sik sulwenst dar tho hebbennn, / der ik my do befhelennn.

Datum Thornn, 3 Maii anno domini 1520.

Iwer Erbarkeit willige Iohannes Flasbinger, koniglicher maiestet secretarius.