Dem Ernwirdigstenn in Gott Hernn, / hernn Ioanni von Gots genaden bischoffe der loblichen kirchen zu Kolmensze etc., unserm gnedigen hernn

[Ern]wirdigster in Gott Gnediger Herre.

Unszer gutwillige behegliche dienste myt stetem angenhemen gefallen synt Ewer Gnaden stets bevoran enthpholenn.

Gnediger Herre. /

Ewer Gnaden schriffte an uns kurtz vorruckter tage gelanget ... sie uns unter andern von Pancratio, dem prediger alhier in Unszer Lieben Frawenn [ki]rchen, geschrieben / mith ermanunge, das zo wir die prediger in Ewer Gnaden kirche setzeten ...nen dohyn halten theteh, / das er das Ewangelium lauter noch altem heer Koniglichen ... folcke fürtragenn thete etc. /

Haben wir mit zimlicher wirde erhaltenn ... innehalts vornhomen und seint nicht in abreden, das wir uns awsz ur[s]achenn die wol abzünhemen und wir doch uff diszmol faren lossen. / Derselbigen ... die noch heüttiger gelouffte und gelegenheit nicht klein. / Wÿr auch der[se]lbigenn wol hetten anig gehen / und eynem anderenn gonnen mogen haben itz [i]tzliche jaer / auch mit gemeyner anlag undergehn müssen, / aber dennach altes ...the zu lobe und Ewer Gnaden als dem abweszenden pastori zum ehren. / Domit wir ...lle negligentien und süst umbequemickeit, / dergleichen die awszgeworffene ...ewaldt der newen irrung, / szo vil ymers in unszern erefften und macht we... abhaltenn theten / gerne underangenn. /

Worumb wÿr auch mit gemeltem [Pan]cratio zu mehr molen vleÿssige und scharffe underredüng gehaltenn / und nicht kley[ne] sorgfeltigkeit getragenn. Wÿr wollen aber nhu zu Ewer Gnaden der sicheren züvörsicht .... Dieselbige werde uns nochmols solcher sorge guthlich entheben oder ÿo sich ...nen steten und gnedigen mitehelffer zü erzeigen geruchen.

Dorinne wir auch [u]nszernn vleÿsz zo vile uns des gebüren moge / gerne mithe anwenden woltenn ... wir auch nicht weÿnig bereidt gethon. / Domit wir alhie mit eÿnem gutten ...eÿlszamen prediger vorszehen und derselbige auch widderumbe nuth wonhunge ...st und szolde wie billig. /

Och ermols von den pfarrernn gedochter kirchenn ... wir uns des wol erinnern / gescheen ist vorsorget werdenn müchtenn ...ie wir dann in neigst ankommender tagefart uff Circumtisionis(!) Domini zu Graw[d]entz bedocht szeÿn / uns mit Ewer Gnaden der und andern sachen halben / nothafftigen [h]andels zu underredenn und im fall do sich Ewer Gnade dohÿn villeichte awsz ir...eÿnem fürfallendenn hinder / nicht begeben würde. /

Wollen wir auch der sachenn [z]u gutte nicht underlossenn Ewer Gnade als denne / von danne ab / zubeschicken. / Dann wie kenne es Gott diesz thuen getrewlich mehnen, wie das auch die gelegenheit [u]nd nothwendig obliegen erfürdert / und Ewer Gnade (hoffen wir) befÿnden wirt ... mitteler zeit, aber wolle Ewer Gnade geruchen den gemelten Pancratium mith ir...eÿnen schrifftenn ader sünst / antzusüchen / stille zustehnde. / Als wir auch zubescheende nicht zweÿfeln willen.

Wüstenn wir auch sust Ewer Gnade vil angenehmes ge...allens zü erzeigennn, wolten wir stets guthwilligk erfünden werden / mit der hülffe Gottes, / deme wir Ewer Gnade in langweriger geszuntheith mit fleÿsz enthphelen.

Gegebenn zu Dantzick, sontages neigst nach Thomae Apostoli im jare etc. XXXII.

Ewer Gnaden dinstwillige ...