» CORPUS of Ioannes Dantiscus' Texts & Correspondence
Copyright © Laboratory for Source Editing and Digital Humanities AL UW

All Rights Reserved. No part of this publication may be reproduced or transmitted in any form or by any means, electronic or mechanical, including photocopy, recording or any other information storage and retrieval system, without prior permission in writing from the publisher.

Letter #887

Ioannes DANTISCUS to Sigismund I Jagiellon
Friedeck (Wąbrzeźno), 1533-01-26


Manuscript sources:
1fair copy in Latin, autograph, BNW, BOZ, 2053, TG 15, No. 1778, f. 150-151
2copy in Latin, 16th-century, BJ, 6557, f. 359v
3copy in Latin, 16th-century, BK, 217, No. 267, f. 250r
4copy in Latin, 16th-century, BCz, 271, f. 255r-v
5copy in Latin, 17th-century, BCz, 270, p. 376-377
6copy in Latin, 18th-century, BCz, 49 (TN), No. 19, p. 47-48
7copy in Latin, 18th-century, BCz, 274, No. 220, p. 453

Auxiliary sources:
1register in Polish, 20th-century, B. PAU-PAN, 8247 (TK 9), f. 214

Prints:
1AT 15 No. 35, p. 54-55 (in extenso; Polish register)

 

Text & apparatus & commentaryPlain textText & commentaryText & apparatus

 

Serenissimae Regiae Maiestati Poloniae etc. Domino et domino meo clementissimo.

Serenissima Regia Maiestas et Domine, domine clementissime. Humillimam servitiorum et devotionis meae commendationem.

Non potuit non esse pia in me Serenissima Maiestas Vestra in contributionis de exiguis meis proventibus remissione, habeo itaque, quas tenuitas mea potest, Serenissimae Maiestati Vestrae suppliciter gratias Deum Omnipotentem pro longaeva incolumitate et perpetuo felicitatis accessu Serenissimae Maiestatis Vestrae oraturus. Dedit Serenissima Maiestas Vestra egenti elemosinam. Cedunt mihi de censibus meis annuis mille et quingentae dumtaxat marcae Prutenicales, ex his ducentae marcae, quas mihi clementer remisit, Serenissimae Maiestati Vestrae provenissent. Utinam mihi esset, quod contribuere possem, non deesset propensio etc. Ceterum Tidemannus Gise scabinus Gdanensis rogavit me, ut se commendarem, quantum aequitatis est, Serenissimae Maiestati Vestrae, quo insolentia et inhonestas Nicolai Holsten, Romae et alibi male ex merito habiti, compesceretur et quod cum vitrico suo Sebaldo Becherer finem causae suae habere posset. Quod cum negare non potuerim, illum una mecum Serenissimae Maiestati Vestrae humillime commendo. Christus Dominus noster eandem Serenissimam Maiestatem Vestram quam diutissime incolumem et felicissimam conservet.

Ex castro Fridek, 26 Ianuarii anno Domini 1533.

Serenissimae Maiestatis Vestrae Regiae humilis capellanus episcopus Culmensis.