Carolus divina favente clementia electus Romanorum imperator semper Augustus, rex Germaniae etc.

Ioanna mater et idem Carolus ..., eius filius, eadem [Ioa]nna, reges Castellae, Aragonum, utriusque Siciliae, Hierusalem, Ungariae, Dalmatiae, Croaciae, serenissimis et illustrissimis quibuscumque regibus regumque primogenitis, principibus, ducibus, marchionibus, comitibus, terrarumque dominis et dominabus, dominiis, communitatibus, collegiis, magistratibus, potestatibus, gubernatoribus, capitaneis, unversitatibus, electis, regiminibus, necon classium quarumcumque ac navium, triremium, biremium et aliorum vasorum quorumcumque maria sulcantium capitaneis, patronis, subpatronis, naucleriis et officialibus ac personis quibuscumque, tam maritimis quam terrestribus, portuumque et passuum custodibus, ceterisque aliis, ad quos spectabit et praesentes pervenerint, regiis amicis benevolis, confoederatis et devotis praefatarum caesarearum et catholicarum maiestatum regium collaterale consilium salutem et prosperos ad vo[t]a successus.

Subditis vero dictarum maiestatum gratiam regiam et bonam voluntatem.

Confert se in praesentiarum in partibus(!) Ispaniae apud caesaream et catholicam maiestatem mag[nific]us Ioannes de Antisco, iuris utriusque doctor, orator serenissimorum [regis] et reginae Appolloniae pro quibusdam negotiis peragendis apud praefatam caesaream maiestatem nomine et pro parte dictorum serenissimorum regum Appolloniae cupimusque sibi et eius comitivae cum rebus et bonis suis omnibus iter tutum parari ac amice et benevole suscipi. Idcirco rogando amicos benevolos et devotos praefatarum maiestatum praecipimus et mandamus subditis ipsarum maiestatum, quatenus praefatum magnificum oratorem Appolloniensem cum eius comitiva ubicumque, tam per mare quam per terram, adventaverit, amice benevoleque et amicabiliter recipiant et tractent et tam in accessu quam in reditu ipsumque cum dicta sua comitiva, auro, argento, pecunia, rebus bonis, equitibus, equitaturis aliisque rebus suis et e[iu]s comitivae te libere ire, stare, redire et pertransire sinant et permittant absque aliquo impedimento provideantque et [provi]deri faciant, si opus fuerit, de navigiis vel equis, giudis, stanciis(!), cubilibus, stramis(!) aliisque omnib[us nec]essariis tam ad victum quam ad dictum iter faciendum tam per mare, quam per terram iusto et convenienti [s]alario mediante, quod a dictis amicis benevolis, confoederatis et devotis praefatarum maiestatum ad singularem [et] placitam accepturi sumus ac vices regias et nostras reddituras pollicemur. Subditi vero praefatarum [maiesta]tum contrarium non faciant pro quanto gratiam dictarum maiestatum caram habent ac poenam ducatorum mille c... praesentibus PNtanti singulis vicibus remansuris.

Datae in Castello Novo Neapolis, die ... [ anno Domini M-]o D-o XXIIII-o

Andrea [Ca]rrapha, comes Sanctae Severinae

Valleolleti

Ex deliberatione reverendi collateralis consilii [Io]annes Baptista Rodrighes pro secretis

Inpar... loc...tri primo ... ... CLXXXVIIII

f... pro... ca... pes...

patenti per lo magnifico Ioanne Dantisco, oratore d <eg> li serenissimi re et regina d’Appollonia, va al <l> a cesarea maesta