Nos, Marcus Antonius Gaticus, comes et Mantuae collateralis generalis, universis fidem facimus et attestamur, quod illustris dominus orator serenissimae maiestatis regis Poloniae cum equitibus septem computato uno equo onerato valisiis sanus et omni suspicione epidemiae carens hinc Brixiam versus proficiscitur. Hortamur omnes et quocumque diverterit, ut eum admittere non refugiant, si quid tuto facere possunt, cum haec civitas nostra Dei gratia ab omni epidemiae labe polluta non sit.

In quorum fidem has praesentes nostras fieri iussimus nostrique soliti sigilli maioris impressione muniri.

Mantuae, nona Iulii M D XXIIII-o

Ioannes de Rigulibus cancellarius de mandato scripsit