Mandatum Sigismundi I regis, ut Ioanni Dantisco Cracoviam eunti de sex equis podwodorum provideatur

Sigismundus Dei gratia rex Poloniae, magnus dux Lithuaniae, Russiae Prussiaeque dominus et haeres capitaneis, tenutariis, burgrabiis, vicecapitaneis, proconsulibus et consulibus civitatum et oppidorum in Regno et dominiis nostris ubilibet existentibus, ad quos hae praesentes litterae nostrae pervenerint, fidelibus dilectis, gratiam regiam.

Fideles dilecti.

Mandamus vobis districtius, ut nobili et egregio Ioanni Dantisco, secretario nostro, in nostris et Reipublicae arduis negotiis Cracoviam eunti de sex equis podwodorum cum curru vel sine curru, utcumque necessitas poposcerit, provideatis et providere faciatis irrecuse, diei et nocti minime parcendo diuturnitateque datae praesentium litterarum et libertatibus vestris non obstantibus.

Pro gratia nostra aliter facere non ausuri.

Datum Vilnae, die sanctae Zophiaeanno Domini millesimo quingentesimo vigesimo secundo, regni nostri anno sextodecimo.

Petrus episcopus et vicecancellarius ad mandatum regiae maiestatis proprium