APG, 300, D/ 5B, No. 17, p. [1]

Sigismundus Dei gratia rex Poloniae, magnus dux Lituaniae, Russiae Prussiaeque etc. dominus et heres

Famatis praeconsulibus et consulibus civitatis nostrae Gedanensis, fidelibus nostris dilectis

Gratiam nostram regiam, famati fideles nostri dilecti.

Mittimus nobilem Ioannem Flaxbinder Dantiscum, secretarium nostrum fidelem dilectum, ad vos, cui quaedam ardua nostra et reipublicae negotia vobis referre commisimus. Itaque vobis mandamus, ut ei perinde atque nobis ipsis coram loquentibus fidem adhibeatis, non aliter facturi pro gratia nostra.

Dat(um) Thoroniae, feria sexta ante Dominicam Iubilate proxima, anno Domini millesimo quingentesimo vicesimo primo, regni vero nostri anno decimo quinto.

Commissio propria sacrae regiae maiestatis