BCz, 1624, p. 160

Dem Hochwirdigsten zu Goth fursten unde herren herren Ioanni / von Gotes genaden des loblichen stichts zcu Ermelant bisschove etc. unserm genedigen herren.

BCz, 1624, p. 159

Hochwirdigster in Got Furst, Genediger Herre.

Unser bereitwillige und gantz unvordrossene dinste seint Ewer H(ochwirdige) G(nade)n in allewege bevoran entpfolen.

Genediger Herre.

Wir seint zcweisels anigk Ewer H(ochwirdige) G(nad)e werde sich ane vorhin ergangenen hendelen und beschwerden, / so der gemeine kofman, / welcher seinen handel unde wandel im Grosfurstenthum zcu Littawen treibet und furet sich ethwan in freygewichenen tagefart(en) bey und vor den rehten dieses landes vilmols erclaget etc. In genaden geruchen zcu erinneren, nemlichen das der kofman dises landes uber alte gewonliche zcolle zu daerlegunge newer, / erhogter und beschwerlicher zcolle / kegen und widder alte begnadunge und freiheit(en) / mehr und mehr beschweret und zcu nochteil gefuret werde. Und wie wol Ewer H(ochwirdige) G(nad)e mit den andern hern rethen dieses landes vormols konigliche m(ayeste)t unsern allerg(nedig)sten hern um(m)b genedige wandelunge und abschaffunge / gedochter newickeit gebeten.

So ist es dennoch in einem ungewandelt(en) beschwer und mehrer vor gefaster newickeit (zo wie uns der kofman berichtet) vorbliben. / Derweg(en) wyr vor uns mit den ersamen unsern frunden der dreyer stette Konigsberg (den dis thunt mittebelanget och in beschickunge sich eingelossen) unsere secretarie an hochg paper damaged⌈[chg]chg paper damaged⌉edochte ko(niglich)e ma(yeste)t / mit den irsten abfertig(en) wellen.

Domit aber sulch gemeyn beschwer der zcolle abgeton und durch genedige furderunge Ewer H(ochwirdige) G(nade) gerot(en) werden moge. Ist an Ewer H(ochwirdige) G(nad)e unser dinstlich und fleisigk bit paper damaged⌈[it]it paper damaged⌉ten wolle in genediger dises gemeynen obligens erwegunge an ko(niglich)e ma(yeste)t durch ihre furderschrifte in der besten gestalt / dem hanttrerend(en) kofman / und den privilegien, / [z]cu gutte on the margin⌈z hidden by binding⌈[z]z hidden by binding⌉cu gutte[z]cu gutte on the margin⌉ wie och zcu hanthabunge derselbigen / dis [...] paper damaged⌈[...][...] paper damaged⌉unt geruchen zcu vo[...] paper damaged⌈[...][...] paper damaged⌉ben und uns dieselbigen furderbrive / bey zceugen paper damaged⌈[gen]gen paper damaged⌉ dises / zuschicken.

Sulchs seint wir / um(m)b Ewer H(ochwirdige) G(nade) (die wir Gote in langweriger gesuntheit und gelugseligen stande mit fleis bevelen) in allewege unserm vormog(en) noch / zcu vordinen guthwilligk.

Geben Dantzick, am VIII Martii anno etc. XLI.

Ewer H(ochwirdige) Genad(en) dinstwilige burgermeister und radtmannen der stadt Dantzigk