Unsern freuntlichnn grues, / und was wir vil liebs wolgefallens vormugen zuvorann. / Erbarer , ehrnfesterr her, gunstiger freundt. /

Von wegen der alten freuntschafft wisse wir mit unsernn brivenn zu nymants, dan zu Ewer Herligheit, / der zuvorsicht, sich nicht werde besveren / zu befhelen denn iren solche brive zu antwurtnn und furdren, do hin sie gehorenn. / Der wegen wir Ewer Herligheit vil schuldig und pflichtig wollenn sein, / gancz gewilliger solchs umb Ewer Herligheit widerummb freuntlich zu beschulden. / Ouch wolte wir Ewer Herligheit nicht bergen, / das, so wir negst im reichstage der Kron Polen zu Krako gewest / und uns von viler woltath wegen uns von Ewer Herligheit bewisen, / Jorgen Hegel, Ewer Herligheit diner erbotenn, / so was wer bey koniglicher majestet und den hern zu thun, Ewer Herligheit und den irenn ... guthen, / uns sold ansprechnn etc. Do nebnn uns ouch ane ... sverheit solde ankomenn, / wan solchs von notenn in die ... zu koniglicher majestet und andren hern uns zu begebnn, / Ewer Herligheit beste ... schaffen und furdrenn, / in welchenn erbittnn w... beharrenn / und Got geb, das es nummer not sey, de... so genczlich nochkomenn wollenn. / Das sol sich Ewer Herligheit vortraulich zu uns vorsehen, / dan der selbten Ewer Herligheit vil liebs und freuntlichs diensts mit der ta... zu erczegen, / sey wir schuldig und willig. / E[s] hot uns ouch nicht wenig mher alse zuvor Jorg Hegel, Ewer Herligheit negst zu Krako verpflicht gemacht, uns mit einer ...chen summa gelts , die wir im dissen briv... w... erlegen und zuschicken, vorlegt, / do vor wir ou[ch] Ewer Herligheit fast grossen danck wissen und sagen / u[nd] umb Ewer Herligheit zu beschulden nicht wollen under...sen, / die wir Gothe in langweriger gesunthei[t] und glukseligen zu nemenn befelenn, / bittend unse... gunstiger freundt wolt sein und bleibnn. /

Da... uff etc. ut supra XVI Martii 1537..